Jøøn 5:24 - Wëël Jwøk

²⁴ Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 5:24 Iomraidhean Croise

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Maak 16:16

'Ba ŋato wäro jïëy ni ŋäädhe ni lwøi na nyuudhi, opiem. 'Ba ŋato wäro ba jïëy ni ŋäädhe, ojääl.

Jøøn 11:26

'Ba ŋat mo kwøw, mo ojïëy ni ŋääth aani, ba thøw bäre bäre. ?Manøgø kärï jïëö?»

Jøøn 12:44

'Ba Jecu dwøre atïŋ maal døc ni kööe, ni «Ŋat wø jïëy ki aani ni ŋääth a, ba jïëc aani keere, 'ba jïëya eni na jääŋ aani thuwø.

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:50

'Ba man en beeye møga öö ki maal ni ö piny, nee dhaanhø cäme ree, nee ba thøøe.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Jøøn 6:58

'Ba møø manøgø beeye møga öö ki maal na ö piny, ni paa møga cam kwäyu ni thøwge. 'Ba ŋat wø cam møgøgøøni, okwøw na bäre bäre.»

Jøøn 8:51

Adïëri møn, a caana gø jïïu, noo dee ŋat mo gwøk luumma, eni thøø ba dee belø.»

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

1 Thecalönika 5:9

Kiper ø kär mëëŋ Jwøki wëër, 'ba beeye kiper nee pïëm man piem øøni ki gø nee joodø ki køør Kwääyø ma Jecu Krictø,

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Jøøn 3:14

Ŋääø ni øøna pööth wøk ki yi thøø ni cøø yi kwøw, kiper mana mëërø ki nyïïmëëe. 'Ba ŋat wø ba mëër, poot ena yi thøø.

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.