Jøøn 5:21 - Wëël Jwøk

²¹ Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 5:21 Iomraidhean Croise

1 Nyeye 17:21

Køøre yie arïëp bäät nyilaal kwöre adägö ni kwaaya Wuuö Jwøk ni kööe, «Wui, Wuuö Jwøk, ï na Jwøk mara, a kwaya ïïni, beerra man dwøgï jwïëy mo nyilaari dëëre.»

2 Nyeye 5:7

'Ba kanya ö nyeny Icrielli na kwaan wëëlö, abïïe moe aput jeeyø ki pänh cwïny, ni kööe, na «?Aŋø, aana Jwøk? ?Løny jïra ki man nääa dhaanhø ni cäŋa gø tïïyö nee kwøe, na ö nyeni na jääŋ baŋa ki dwøl nee dhaanhø mo dëëre da dhøøbø dwøga kare en? Neennu, nyenøgø kämö.»

Jøøn 11:25

Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Moa Tïïc Nyïïatwieli 26:8

?Aŋø ni tïme keda gïn mo ba maaru jïëc en, ki man ŋääth Jwøk ni jiy wø tïŋe maal ki yi thøø?

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.