Jøøn 5:20 - Wëël Jwøk

²⁰ Kiper Wuuö mëër ki Wäädö, ni nyooth gïï wø tïïe bëët jïgø. Ni tïïe mo døøŋŋø geni ki moi onyoodhe jïre, nee yïthu thäŋge.

Jøøn 5:20 Iomraidhean Croise

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Mathiew 4:8

'Ba kanyøgø, ena cäŋ anägö kïth bäät kïdi mo bäär døc ni nyuth gø buc piny bëët ki beenyge.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 10:32

Ni løgi ya Jecu jïge, «Aani tïïe mo thööth mo beyø mo käla baŋ Wära, anyoodha jïïu. ?A manaŋø nø dëëtge noo këëru aani kipere?»

Jøøn 14:12

«Adïëri møn, a caana gø jïïu, ni ŋat wø jïëy ni ŋääth aani, tïïe moa tïïa otïïe thuwø, ni tïïe mo døøŋŋø geni ki moi otïïe, kiper a cøøa baŋ Wära.

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 3:35

'Ba Wuuö mëër ki Wäädö ni cïp jammi bëët cer gø.

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 5:25

«Adïëri møn, a cäänna uuni, da kany mo öö, ni beeye ennø, kanyo ö jøøa no othøwi noo wïnyge dwør O Jwøk. 'Ba jøw owïny gø, okwøw.

Jøøn 5:29

ni öge wøk. Ni ö jøøa tïïc gïïa beyø, ni öge wøk ni cige yi kwøw. Ni ö jøøa tïïc gïïa reyø, ni öge wøk ni cige ya ajäla.

2 Piter 1:17

Kiper kanya ö eni na wëëgi wøør ka ajiem mana käl baŋ Jwøk na näk Wuuö, kanya ö dwøra öö ki baŋ Kwääy ajiem na bäŋ teeŋe na caan gïn kipere, ni «Man beeye Wääda, ŋata mëëra ki gø, na met yia ki mare,»