Jøøn 5:19 - Wëël Jwøk

¹⁹ 'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 5:19 Iomraidhean Croise

Wïlöölö 1:1

Wïlöölö Jwøk maal ki piny acwääe.

Wïlöölö 1:26

Køør manøgø nø Jwøk aköö, «Beerra man cwääø ki dhaanhø mo rööma øøni mo kïte caala øøni. Eno bëëdö ni jïre da teek bäät rec naam, ki wec maal, ki lääc paac, këël bäät piny bäre ki gïïa näk muulö bëët bäät piny.»

Bwøth Wøk 4:11

Ni kö Wuuö Jwøki jïgø, na «?Aŋa na cwääc dhi dhaanhø? ?Wala aŋa ni wø tïïc dhaanhø ni ba cäänö, wala na miiŋ, wala ni nyeŋŋe nëënö wala na cwør? ?Aŋø, paa aani, a na Wuuö Jwøk?

Pwöc Leec Wïc 2:6

Kiper Wuuö Jwøk beeye ni wø cïp leec wïc, ni luup kwänynyö ki ŋäc tiet luup wø ö wøk ka dhee.

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Luk 21:15

Kiper uuno mooa ki dhøk ki leec wïc, mo ba maar lønyø jï nyïïmännu ki man duunge uuni, wala man piemge gø.

Jøøn 10:18

Ni bäŋ dhaanhø mo doo käl gø wøk cera, 'ba cïpa a keera ki wïïa. Jïra da teek ki man cïba gø, ki teek man cäŋa gø lwørrø. 'Ba luummögø jooda baŋ Wära.»

Jøøn 12:49

Kiper aani, a ba caan luup mo käla wïïa, a keera. 'Ba Wuuö ki dëëre na jääŋ aani beeye na cïp luubö mano caana ki mano looba.

Jøøn 12:50

Ni ŋääa ni ciik mare beeye kwøw mana näk adïëri na bäŋ cuŋŋe. Kiper manøgønø, aani, gïï wø caana, wø caana keda mana køpi ya Wuue jïra.»

Jøøn 14:10

?Ï paa ojïëy naa ena ri Wuuö, ni ö Wuue ni en raa? Ni luup moa cara jïïu, ba caana ka wïïa keera. 'Ba Wuuö ni wø bëëdö raa, beeye wø tïïc tïïe moe.

Jøøn 2:19

Ni løgi ya Jecu jïge, «Nyagu Øt Jwøk man. 'Ba aani, ødøgø otïŋa maal ki nïne adägö.»

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 8:28

Kanyøgø Jecu aköö, ni «Noo ŋaabu Wär Dhaanhø maal, oŋäyu nø ni beeye aani na eni, ni bäŋ gïn mo tïïa ki wïïa keera, 'ba a wø cäänö keda mana ö Wuue na pwöny aani.

Jøøn 9:4

Ø doo tïïya tïïe mo Ŋata jääŋ aani, kany wø poode na waŋcäŋ. Kiper piny otïmö na wäär, kany wø bäŋe ya ŋat mo tïïö.

Moa Tïïc Nyïïatwieli 2:24

'Ba ena tïŋ Jwøki maal ki yi thøø ni pät gø cer thøø, kiper ba doo løny jï thøø ki man mak gø.

Wëëlö Mana Göör Pøølli Baŋ Jø Röm 6:4

Kiper manøgønø, øøna koony ki eni na aciel ki køør lwøk marø na lwøk øøni na nyuudhi yi thøwe, kiper nee jöör kwøw mana nyään caadhø, kaawat mana ö Krictø na tïŋi maal ki yi thøø ki køør ajiem Wuuö Jwøk.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

1 Körin 15:12

?'Ba kawaane ni näk Krictø okøbø jïïu no otïŋ maal ki yi thøø, jø møøk dïïu a dege köö nidïï ni bäŋ duun wøk ki yi thøø?

2 Körin 4:14

Ni ŋäcwa ni ŋata tïŋ Kwäärö ma Jecu maal, waano tïŋ maal thuwø ki Jecu, ni kïth waani nyïme ki uuni na aciel.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Epeca 3:16

naa lämö nee u wëëk tëënnö ki teek mano ööi ki køør Jwïëye ki yïth cwïnynyu, keda mana päl ajieme,

Pilipay 3:21

ŋato wiil dëëtø moi ni reyø ii, ni tïïc ge ni caala dëëre na näk dëër ajiem, ki køør teek man wø en jïre ki man tïïc jammi bëët ni leŋa mare.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,

Köløcia 1:16

Kiper jammi bëët cwääc ka ree, moa en maal, ki moa en piny, ki moa näk nëënö, ki moa näk ba nëëni, nee nyeye wala kwääri, wala gïïa jïge da teek maal, ki moa jïge da teek piny. Ni jammi bëët cwääc ka køøre, ni cwänynya eni.

1 Thecalönika 4:14

Kiper mana jïëø ni Jecu athøw ni cäŋi tïŋ maal ki yi thøø, kaawat manøgø thuwø yøø jïëø, ni ki køør Jecu, Jwøk jøøa näk othøw okäle ki eni na aciel.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.