Jøøn 5:10 - Wëël Jwøk

¹⁰ Kanyøgøøni jø Juuth aköö jï ŋata näk dëëre odøø kare, ni «Man a cäŋ jwömö. Ba doo beer ki køør ciik ki man käärï pïënï.»

Jøøn 5:10 Iomraidhean Croise

Aydheea 58:13

«Ni näk mo dëëtu mänu mänö ki man tïïyu jap wø mïn yïthu ki ge yi cäŋ jwömö mara na en kur keere, ni cwøllu gø na cäŋ met ec na cäŋa en kur keere na näk owøørø na mara, a na Wuuö Jwøk, ni wøørru gø nou ba cäädhi ka jöö maru keeru, nou ba tïïc jap wø mïn yïthu ki ge keerge, nou ba cäänö ki luup mo oballe,

Jeremaya 17:21

Luumma caan Wuuö Jwøki beeye en: Gwøgu dëëtu, ni ba käädu ki tëër ki cäŋ jwömö; ni ba kännu ki tëër nou cura dhøk kiir mar Jerucalem.

Jeremaya 17:27

'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Mathiew 12:10

'Ba kanyøce da ŋat mo cere obäp. 'Ba geni Jecu apëënyge, ni «?Beeye gïn mo beer ki man køny dhaanhø mo tuu ki cäŋ jwömö?» Luummögø acaange kiper nee jïtge ki luubö mo kïthge bääte.

Maak 2:24

Ni kö jø Paricithi jïgø, «?Neenï, aŋø ni ö bäägï ni tïïcge gïn mo ba doo tïïö ki cäŋ jwömö en?»

Maak 3:4

Ni kööe jïge, na «?Agïnaŋø no orømø ki køør ciik Jwøk ki man tïïi ki cäŋ jwömö, beeye ki man tïïc gïn mo beer wala gïn mo raac? ?Beeye ki man piem jwïëy wala 'näk?» 'Ba gena lïŋö.

Luk 13:14

'Ba ŋata näk kwääy øt acooŋ lam manøgø, ena gootø kiper mana ö Jecu na køny dhaanhø ki cäŋ jwömö, ni kööm jiy, ni «Da nïne abïciel mo tïïe doo tïïö yïthge, mou doo öö nou køny, ni patha cäŋ jwömö.»

Luk 23:56

Køøre gena døøk, ni jiiŋge mäth wïïr ma teeŋi mo wø ŋwääi ni met. 'Ba na tïme na cäŋ jwömö røkge ajwömge, keda mana näk ocemø.

Luk 6:2

'Ba jø Paricith møøk aköö, na «?Aŋø ni tïïyu gïn mo ba doo tïïö ki cäŋ jwömö en?»

Jøøn 1:19

'Ba man en beeye luumma køp Jøønni na ö jø Juuthi na jääŋge kwääc laam ki tuuŋ jø Libay møøk ki yi Jerucalem kuna pëënyge eni, ni «?Ïïna ŋa?»

Jøøn 5:11

'Ba aløk ŋatøgø jïge, ni «Ŋata køny aani beeye na caan gø jïra, ni ‹Lwør pïënï ni cäädhï.› »

Jøøn 5:15

Ni ö ŋatøgø ni aae ni caan gø jï jø Juuth, ki man näk mo beeye Jecu na køny eni.

Jøøn 5:16

Ni beeye gïnögø na ö jø Juuthi na caange Jecu, kiper mana tïïc køny manøgø ki cäŋ jwömö.

Jøøn 7:23

?Aŋø, ni näk dhaanhø you daŋø ki cäŋ jwömö, kiper nee ciik mo Modhe ba dhallu, u doo wëër ki aani kiper na wëëga dëër dhaanhø mo tuu jöönnö bäre ki cäŋ jwömö?

Jøøn 9:16

'Ba jø Paricith møøk aköö, ni «Ŋatøgø ba käl baŋ Jwøk, kiper eni luum cäŋ jwömö bäŋ wø gwøe.» 'Ba møøk aköö, no «?Onää ŋatøgø ŋat raay, ŋïïce ma yøøgønø a dee gø tïïö nidïï?» Yi kar kanyøgøøni yïthakicge ajïtö ki pïëm.