Jøøn 4:48 - Wëël Jwøk

⁴⁸ Kanyøgø Jecu aköö jïre, ni «Ni näk ŋïïce ki gïï mo rëëma ec ba neennu, u ba jïëy ni ŋäädhu.»

Jøøn 4:48 Iomraidhean Croise

Daniel 4:2

Aani yia met ki man caana nyuuthe jïïu ki gïïa näk rëëma ec na tïïc Jwøki dëëra, Jwøa Dwøŋ ni en Maal.

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Mathiew 16:1

'Ba jø Paricith ki jø Cajucith gena öö ni ge päänynya Jecu. Ni pëënyge gøøni, kiper nee ge nyuunhnhe ki ŋïï mo käla maal.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 27:42

ni «Eni wø kønya jø møøk, 'ba dëëre ba maar køny. Ni näk mo ena nyeny jø Icriel, eni ö piny ki bäät jaadha no odëëdö ennø, nee wa jïëcwa ki eni.

Maak 13:22

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.

Luk 10:18

'Ba Jecu aköö jïge, ni «Ceethan ajooda ni pänhnhö ki maal kaamar agaackøth.

Luk 16:31

'Ba Eeberam aköö jïgø, ‹Ni näk luup mo Modhe ki mo nyïïkuk Jwøk ba wïnyge, këël doo da dhaanhø mo duua wøk ki yi thøø, yïthge ba dege ciiø thuwø.› »

Jøøn 12:37

'Ba këël na bëët Jecu ni tïïö ki ŋïïce mo thööth, jø Juuth kär jïëy ki eni ni ŋääthge gø.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 2:18

'Ba jø Juuth aköö jïre, na «?A ŋïï mane noo nyoothï jïwa, na tïïyï gïnögø kipere?»

Jøøn 20:29

Ni kö Jecu jïre, na «?Aŋø, ïïna jïëy kiper mana neenï aani? Gwïëth en jï jøøa jïëy ni ŋääthge, këël na kärge aani neenø.»

Jøøn 4:49

'Ba kwääyögø aköö jïre, «Kwäärö, ööï, kany poot wääda ni kär thøw en.»

Moa Tïïc Nyïïatwieli 14:3

Kiper manøgønø, gena bëëdö ki kany mo bäär ni ge køpa gïr Wuuö ni cwïnyge da cer. Ni ö Kwäärö ni nyooth luum met yie na adïëri ki køør ŋïïce ki gïï mo rëëma ec na wëëk tïïc ki rege.

Moa Tïïc Nyïïatwieli 15:12

Ni ö acooŋa bäre ni lïŋe. Ni cekge ïthge jï Barnaba ki Pøøl kanya caange luum ŋïïce ki gïï mo rëëma ec moa tïïc Jwøki ki rege dï juurre.

Moa Tïïc Nyïïatwieli 2:19

'Ba gïï mo rëëma ec onyoodha maal, ni ö ŋïïce ni nyoodha ge piny, ni beege remø ki maac ki jïc maac.

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.

Moa Tïïc Nyïïatwieli 2:43

'Ba lwär aö bäät jiy bëët. Ni ö gïï mo thööth mo rëëma ec ki ŋïïce ni tïïi ki røk nyïïatwieli.

Moa Tïïc Nyïïatwieli 4:30

kany bëëdï ni cerï iï rwääö baŋ køny en, ni ö ŋïïce ki gïï mo rëëma ec ni tïïi ki køør nyeŋ Dhaanhnhï ma Jecu na en kur keere.»

Moa Tïïc Nyïïatwieli 5:12

'Ba kanyøgø da ŋïïce mo thööth ki gïï mo rëëma ec ma atïïc dï jiy ki røk nyïïatwieli. 'Ba jøøa jïëy ki Jecu bëët, dëëtge wø cooŋge ya agööl Cølöman.

Moa Tïïc Nyïïatwieli 6:8

'Ba Ectipen na cwïnye päŋ ki met yi Jwøk ki teek Jwøk, gïï mo døøŋŋø døc mo rëëma ec ki ŋïïce atïïe dï jiy.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

1 Körin 1:22

Kiper jø Juuth wø manynya ŋïïce, ni ö jø Gïrïïk ni manyge leec wïc.

2 Körin 12:12

'Ba gïï wø ŋec nyïïatwiel ma adïëri ki ge atïïc dïïu ni bäŋ jøømø, ni beege ŋïïce, ki gïï mo rëëma ec, ki tïïe mo døøŋŋø.

2 Thecalönika 2:9

'Ba ööny Ŋata raac, oööi ki køør teek Ceethan, ni ööi ka teek mo dwøŋ døc, ki ŋïïce mo cwøk ki gïï mo rëëma ec,

Ibaru 2:4

Ni Jwøk thuwø ojïëy ki mare ki køør nyuuthe ki tïïe mo døøŋŋø døc, ki gïï mo rëëma ec ma teeŋi, ki muuce moa ö ki ri Jwïëc Jwøk na en kur keere, na pääŋŋe kaawat mana manynye keere.