Jøøn 4:42 - Wëël Jwøk

⁴² Ni köge jï dhaagø, ni «Paa kiper luummï këët na jïëcwa ki gøøni ni ŋääthwa gø, 'ba luumme awïnywa ki dëëtwa, ni beeye na jïëcwa ni ŋääthwa gøøni en. Ni ŋäcwa gø na adïëri møn ni beeye eni na Pïëmi mar piny bäre.»

Jøøn 4:42 Iomraidhean Croise

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 11:17

'Ba kanya pïïc Jecu kunöce, Ladhara ajoode no onø jïtö ki nïne aŋween yi bwörö.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 4:29

ni «Ööu, ni neennu ŋati ni caan gïïa tïïa bëët en. ?Løny ki man tïme ni beeye Krictø?»

Jøøn 4:41

Ni ö jiyi mo thööth møøk ni jïëcge ki eni ni ŋääthge gø kiper mana caane.

Moa Tïïc Nyïïatwieli 13:23

Ni beeye ki røk nyïïkwaac Deebit manøgø na ö Jwøki na käl Pïëmi jï jø Icriel, ni beeye Jecu, kaawat mana kwøŋ gø buuk.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

2 Körin 5:19

Ni beeye, ni Jwøk ena dëër Krictø ni dwøga piny baŋe, ni eni ba caan moa dhal jø pinynyi dëëtge, ni wëëk wa twiel man cäŋ jiy dwøk kanya ciel ki eni.

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.