Jøøn 4:34 - Wëël Jwøk

³⁴ Ni kö Jecu jïge, ni «Cam mara beeye ki man tïïa mana many Ŋata jääŋ aani ni thööra tïïc mare.

Jøøn 4:34 Iomraidhean Croise

Jööp 23:12

Aani ciik moe kära wiiø; aani, luup mo wø ö wøk ki dhee yaa kan cwïnya, ni perge leth jïra ni kaala cam man wø cama ki yi cäŋ.

Mathiew 26:39

Køøre ena ci nyïm mëëth ni leeŋ ree piny ni läme ni kööe, na «Awuuö, ni näk mo løny, wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Mathiew 3:15

'Ba adwøk Jecu jïre, ni «Wec manøgø kawaane. Kiper beer jïïø ki man wëëgø moa many Jwøki bëët thur karge na ennø nø.» Kanyøgønø, Jøøn ajïëy.

Mathiew 9:19

Ni ö Jecu maal ki bääge ni läp køør gø.

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 19:10

Kiper Wär Dhaanhø öönynya kuna many jøøa näk orwäänyö nee pieme.»

Luk 2:49

Ni kööe jïge, ni «?A kaa ŋø na dou a cayø yie? Kuyu naa doo ena øt Wära?»

Jøøn 17:4

Ïïna jiema piny ni thööra tïïc mana cïpï jïra nee tïïa.

Jøøn 19:28

Køør manøgø na ŋäyi ya Jecu ni jammi bëët anø thur karge, ena köö, ni «Raa da riew.» Manøgø acaane nee luumma en yi Wëël Jwøk thur kare.

Jøøn 19:30

'Ba na ö Jecu na bel køøŋ nyïïomøki manøgø na wac enø, ena köö, «Aløny nø.» Ni put wïïe kuul piny ni cïp jwïëye.

Jøøn 4:32

'Ba ena köö jïge, ni «Aani jïra da cam mo cama camø mo kuyu.»

Jøøn 5:30

«Aani bäŋ gïn mo daa maara tïïc ki wïïa keera. 'Ba luup wø ŋøla ki køør mo wø wïnynya baŋ Jwøk, ni ŋøl mara thïïŋ, kiper a ba cac man wø manynya keera, 'ba a wø caya man wø many Ŋata jääŋ aani.

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 6:33

Kiper møø mar Jwøk beeye na öö ki maal ni ö piny, ni cïpe ki kwøw jï jø piny.»

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 8:29

'Ba eni na jääŋ aani, ena buuta. Naa käre wiiø a keera, kiper a wø tïïya gïï wø mïn yie ki ge cooth.»

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.