Jøøn 4:21 - Wëël Jwøk

²¹ Ni kö Jecu jïre, «Nyijøøe, jïëyï ni ŋääthï luubö mara man, da kany mo öö, mo jiy Wuuö ba lamge bäät kïdi man wala yi Jerucalem.

Jøøn 4:21 Iomraidhean Croise

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Edhikiel 14:3

ni «Wär dhaanhø, jiy moi cwïnyge acïpge køør kït gïï wø lam ni cïpge nyïmge ki gïï mo reyø mo cwanynya tiel mo wëëga ge pädhö. ?Aŋø, pïëc moge mo wø pëënyge aani ki ge løny ki man dwøga gø jïge këët?

Edhikiel 20:3

ni «Wär dhaanhø, cään jø døøk Icriel ni kööï jïge ni man beeye luumma caan Kwäärö Wuuö Jwøki, ena köö, no ‹?U ööa kuna pëënynyu aani? Ka adïëri møn, aani, a na Kwäärö Wuuö Jwøk, kaawat man bëëda naa kwøw en, a caana gø jïïu, u ba jïëa ki man pëënynyu aani.›

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 18:20

Kiper kany wø näk da jiy ariiø wala jiy adäk mo dëëtge ege cooŋø ki nyeŋŋa, a ena dïge kaace.»

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 16:32

Da kany mo öö, ni beeye ennø møn, kanyo keethu noo ö ŋati man nø noo aa paare, ni weyu aani keera. 'Ba a ba dööŋ a keera, kiper Wuuö ena buuta.

Jøøn 4:23

'Ba kare anø cäännö, ni beeye kawaane en, kanyo ö jø wø lämö na adïëri, noo lamge Wuuö ki cwïnyge na adïëri. Kiper beege teeŋ jøøgø wø many Wuue nee eni lamge.

Jøøn 5:25

«Adïëri møn, a cäänna uuni, da kany mo öö, ni beeye ennø, kanyo ö jøøa no othøwi noo wïnyge dwør O Jwøk. 'Ba jøw owïny gø, okwøw.

Jøøn 5:28

Kär yïthu thäŋŋö ki luummögø, kiper da kany mo öö, kanyo ö jøw oen yïth bwörri bëët noo wïnyge dwøre,

Moa Tïïc Nyïïatwieli 6:14

Kiper mare awïnywa ni eni cäänö ni Jecu nyï Nadhareth manøgø, kany raanynye raanynyø, ni wiil kööŋŋe moa wëëk Modhe øøni.»

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Epeca 3:14

Kiper manøgønø, cøŋŋa wø këëlla piny nyïm Wuuö,

1 Timöthi 2:8

'Ba mana manynya nø, jiy doo lämö yïth kwörögø bëët, ni dëëtge ege cïp kur keerge, ni thaaŋge ceŋge jï Jwøk ni bäŋ gootø wala wëër.

1 Piter 1:17

'Ba ni näk eni na Jwøk, ni wø ŋøl luum ŋati man nø keda moa tïïe ni wø bäŋ ŋat mo jeenye, you cwølø ni Wuuö, bëëdu nou lwäär cooth kany poodu pinyi en.

Mana Nyooth 21:22

'Ba bäŋ Øt Jwøk mo yaa joodø paanøgø, kiper Øt Jwøk mare beeye Kwäärö Wuuö Jwøk na en teeki jïre ge ki Nyidiel.