Jøøn 3:8 - Wëël Jwøk

⁸ Jamø wø kwödö kaawat mana caye, ni ö dhaanhe ni wïny dwør gø, 'ba kun wø käl yie ki kun wø ci yie, kuc dhaanhe. Kaawat manøgø thuwø, jiy bëët mo wø näk mo onywøl Jwïëc Jwøki ge bëëdö na enøgønø.»

Jøøn 3:8 Iomraidhean Croise

Luup Dïpööy 1:6

Jamø wø kwöta tier-piny, ni cäŋ ree løgø ni kwöt wï-piny; ni bëëdö ni piny jøøye jøøyø ni cäŋa døø kanya täge ki yie.

Edhikiel 37:9

Køøre Wuuö Jwøk acäŋ köö jïra, «Wär dhaanhø, cään jam jwïëy, ni kööï jïre ni man beeye luumma caan Wuuö Jwøki, ena köö, ni ‹Wui, jam jwïëy, kwönnï ki yïth tuk piny moa na aŋween, ni ciï røk dëëlli moi no othøw ii, nee cäŋge kwøw.› »

Jøøn 1:13

Ni jøøgøøni atïmö na nyïï Jwøk kiper mana tïïc Jwøki ki dëëre, ni paa kiper na nywøl ge na tuuŋ, wala kiper mana cac dëër dhaanhe, wala kiper mana caar dhaanhe nee tïïe ee keere.

Jøøn 3:7

Kär yiï thäŋŋö kiper na caana gø jïrï, no ‹U doo cäŋa nywøllø nou nyärö.›

Jøøn 3:9

'Ba Niködima aköö jïre, «?Manøgøøni a dee maar tägö nidïï?»

Moa Tïïc Nyïïatwieli 2:2

'Ba ki kany mo thiinh dwøl mør aöö ki maal kaamar jamø mo kwödö ni teek ni pääŋ øtø mana bëëtge yie bäre.

Moa Tïïc Nyïïatwieli 4:31

'Ba kanyøgøøni na lønyge ki lam, kanya näk dëëtge ege cooŋ yie ree ajäŋe, ni pääŋ cwïnyge bëët ki Jwïëc Jwøk na en kur keere. Ni køpge luum Jwøk ni cwïnyge da cer.

1 Körin 12:11

'Ba moøgø bëët ööi ka køør Jwïëyögø na aciel enø, ŋat wø pääŋ japøgø jï ŋati man nø, kaawat man wø manynye.

1 Körin 2:11

?Kiper aŋa ni wø ŋäc mo wø en cwïny ŋat mør, ni näk patha jwïëy na en dëër ŋatøca keere? Kaawat manøgø thuwø, bäŋ dhaanhø aciel mo ŋäc jammi bëët mo wø en cwïny Jwøk, 'ba beeye Jwïëc Jwøk keere.

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.