Jøøn 3:36 - Wëël Jwøk

³⁶ 'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 3:36 Iomraidhean Croise

Jööp 33:28

'Ba eni jwïëya apieme cer thøø; 'ba ennø, a puta bëëtö yi tac kwøw.›

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Kwään Jiy 32:11

ni ‹Ka adïëri møn, røk jøøa ö wøk ki Ijep, moa näk cwiicge pïërariiø këël mo kaala pïërariiø, bäŋ dhaanhø aciel dïge mo joot ŋöömma buua jï Eeberam ki Aydhak ki Jeekap, kiper køøra kärge caadhø ki cwïnyge bäre;

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Maak 16:16

'Ba ŋato wäro jïëy ni ŋäädhe ni lwøi na nyuudhi, opiem. 'Ba ŋato wäro ba jïëy ni ŋäädhe, ojääl.

Luk 2:30

Kiper pïëm man piemï jiy ki gø aneena ki nyeŋŋa,

Luk 3:6

'ba jiy bëët pïëm mar Jwøk oneenge.› »

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:58

'Ba møø manøgø beeye møga öö ki maal na ö piny, ni paa møga cam kwäyu ni thøwge. 'Ba ŋat wø cam møgøgøøni, okwøw na bäre bäre.»

Jøøn 8:51

Adïëri møn, a caana gø jïïu, noo dee ŋat mo gwøk luumma, eni thøø ba dee belø.»

Moa Tïïc Nyïïatwieli 14:2

'Ba jø Juuth moa näk kär jïëy, yïth juurre acoonge ni wëëkge ge männö ki nyïïmëëe.

Wëëlö Mana Göör Pøølli Baŋ Jø Röm 4:15

Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 5:9

?'Ba kawaane na tïme ni øøno jïëö ni marø beer ki køør remme, a teeŋ pïëm mo nyïëdi noo piem øøni ki wëëc Jwøk?

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

1 Thecalönika 1:10

nou koora duun Wääde ma Jecu ki maal, ŋata tïŋ maal ki yi thøø, ni beeye ŋato piem øøni ki wëër mano ööi.

1 Thecalönika 5:9

Kiper ø kär mëëŋ Jwøki wëër, 'ba beeye kiper nee pïëm man piem øøni ki gø nee joodø ki køør Kwääyø ma Jecu Krictø,

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.

Ibaru 3:18

?Na a jøøe moe na kööŋe kiperge, ni «Ge ba doo dønynya kar jwöm mara bäre bäre?» ?Aŋø, paa ge jøøa wïthge teek?

Ibaru 3:19

Kiper manøgønø, ajoodø ni kär løny jïge ki man dønyge kiper na tääge.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»