Jøøn 3:30 - Wëël Jwøk

³⁰ 'Ba eni kare odøøŋŋi, ni tïm kara ni thiinh.

Jøøn 3:30 Iomraidhean Croise

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Jøøn 3:31

«Eni na öö ki maal, ena wïth jammi bëët. 'Ba eni ni en piny, beeye ŋat piny, ni jap piny beege wø caane. 'Ba eni na ö ki maal, ena wïth jammi bëët.

1 Körin 3:5

?Aŋø, Apøla aŋa? ?Ni Pøøl aŋa? Waana jø tïïc ni beege jøøa jïëyu ni ŋäädhu ki køørge, kaawat mana ö Wuue na pääŋ tïïe jï ŋati man nø.

Köløcia 1:18

Ni beeye eni na Wïc jï dëël na näk acooŋ Jwøk. Ni beeye eni na nut wïlöölö, ni beeye eni na kwøŋ duu wøk ki yi thøø. Kiper manøgø nø, nee nyeŋŋe tïme ni lïëŋŋa eni dï jammi bëët.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»