Jøøn 3:2 - Wëël Jwøk

² Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 3:2 Iomraidhean Croise

1 Nyeye 17:24

Køøre nyijøøgø aköö jï Ilaaja, ni «Ennø, aputa ŋäc ni ïïna nyikuŋ Jwøk møn, ni dwør Wuuö Jwøk mana caanï ki dhiï beeye adïëri.»

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Jeremaya 38:16

'Ba nyeya ma Cëdëkiya akööŋ mëëth ki piny jï Jeremaya, ni kööe, ni «Ŋëët Wuuö Jwøk, Jwøa kwøw, eni na cïp jwïëy moø, ï ba nääa, niï ba cïba ceŋ jøøi ni many jwïëy moï ii.»

Mathiew 22:16

Ni jääŋge bääŋi moge baŋe, ni ge cii ka jic Eerat na aciel, ni köge jïgø, ni «Dïpööy, ŋäcwa ni ïïna dhaanhø miï caana adïëri, niï pöö ka jöör Jwøk na adïëri, ni jiy raŋï ka waŋ aciel, ni bäŋ jiy mo kwörge døøŋŋø mo lwäärï.

Mathiew 23:7

ni ge manynya man määth geni kwör gath, ni ge cøør jiyi cøørø ni Dïpööye.

Mathiew 23:8

'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët.

Maak 12:14

Ni öge ni köge jïgø, «Dïpööy, ŋäcwa ni ïïna dhaanhø miï caana adïëri, ni jiy raŋï ka waŋ aciel, ni bäŋ kwör jiy mo døøŋŋø mo ŋäyï. 'Ba ï pöö ka jöör Jwøk na adïëri. ?Beeye gïn mo beer ki man cïpö ka ajwäk jï Cidhar, wala ba beer?

Jøøn 1:38

Ni ö Jecu ni løk ree ni joot geni ni ge lämma køøre, ni kööe jïge, «?Agïnaŋø ni manynyu?» Ni köge jïre, ni «?Raabay,» na näk tiere beeye Dïpööy, «Ï bëëdï kaa ŋø?»

Jøøn 10:38

'Ba ni näk maa tïïya geni, këël u bäŋ doo jïëy ni ŋääthu aani, jïëyu ki tïïe, kiper nee ŋäyu ni ci cwïnynyu ni Wuuö ena raa, ni ena ri Wuuö.»

Jøøn 12:37

'Ba këël na bëët Jecu ni tïïö ki ŋïïce mo thööth, jø Juuth kär jïëy ki eni ni ŋääthge gø.

Jøøn 14:10

?Ï paa ojïëy naa ena ri Wuuö, ni ö Wuue ni en raa? Ni luup moa cara jïïu, ba caana ka wïïa keera. 'Ba Wuuö ni wø bëëdö raa, beeye wø tïïc tïïe moe.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 20:16

Ni kö Jecu jïre, ni «Meeri.» Ni ö dhaaŋŋøgøøni ni put ree løk, ni kööe jïre ki dhi Ibaru, «Rabönay,» na näk tiere beeye Dïpööy.

Jøøn 3:26

Ni öge baŋ Jøøn ni köge jïre, ni «Dïpööy, ŋata bëëdö ki ïïni løø Naam Jördan løøga, na gïre køpï, ena kany ni löö na nyuudhi, ni jiy bëët cøøa baŋe.»

Jøøn 4:31

'Ba kanya poot dhaage ni kär duuö, bääge aö baŋe ni köge, ni «Dïpööy, ööï, ocämï.»

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 6:2

Ni ö lwaaki mo päl ni läp køøre, kiper ŋïïce moa neenge na thööth na tïïe røk jøøa tuu.

Jøøn 7:31

'Ba jiy mo thööth ajïëy ki eni ni ŋääthge gø, ni köge, «?Aŋø, kanyo ö Krictø yie, eni doo tïmö ki ŋïïce mo thööth mo kaala moa tïïc ŋati en?»

Jøøn 9:16

'Ba jø Paricith møøk aköö, ni «Ŋatøgø ba käl baŋ Jwøk, kiper eni luum cäŋ jwömö bäŋ wø gwøe.» 'Ba møøk aköö, no «?Onää ŋatøgø ŋat raay, ŋïïce ma yøøgønø a dee gø tïïö nidïï?» Yi kar kanyøgøøni yïthakicge ajïtö ki pïëm.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.

Pilipay 1:14

Ni ö thööth nyïïmëëe ni tëënge ki ri Wuuö kiper twöc mara, ni tïmge ni ge teek døc ki man caange luum Jwøk ni bäŋ lwär.

Pïëmme 6:27

Køøre Gidien acwötö ki jiy apaar røk jø tïïc moe, ni tïïc gïnögø na kare kaawat mana nø caani ya Wuuö Jwøki jïre. 'Ba ki man tïïc gïnögø ki dïcäŋ, atïïe ki wäär, kiper mana näk eni lwäär døc ki tuuŋ wänni këël jø paanøgø bëët.