Jøøn 3:17 - Wëël Jwøk

¹⁷ Kiper Jwøk Wääde käre jääŋŋö piny nee piny jääle, 'ba beeye kiper nee piny piem ki køøre.

Jøøn 3:17 Iomraidhean Croise

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Luk 19:10

Kiper Wär Dhaanhø öönynya kuna many jøøa näk orwäänyö nee pieme.»

Luk 9:56

Ni pööthge paac mør.

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 11:42

Ni ŋääa ni mara wø wïnynyï wïnynyö cooth. 'Ba man, caana kaper jøøi ni cuŋŋi buuta en, kiper nee jïëcge naa jääŋŋa ïïni.»

Jøøn 17:18

Gena jääŋŋa dï piny kaawat mana jääŋŋï aani dï piny.

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Jøøn 5:36

'Ba gïn wø køp gïra, dwøŋŋa eni ki mar Jøøn, kiper gïïa tïïa ki dëëtge na näk owëëk Wuue aani nee thööra, beege wø køp gïra, naa jääŋŋa Wuue.

Jøøn 5:38

Ni luumme ba en cwïnynyu, kiper na käru jïëy ki ŋata jääŋŋe ni ŋääthu gø.

Jøøn 5:45

Käru nou caara gø nou jääla jäälö nyïm Wära, 'ba beeye Modhe ni ŋääthu en, ni wø jääl uuni.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:57

Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Jøøn 7:29

'Ba aani, eni ŋääa, kiper a käla baŋe, ni beeye eni na jääŋ aani.»

Jøøn 8:11

Ni kö dhaaŋŋøgøøni, ni «Bäŋgø, Kwäärö.» Ni kö Jecu, «Aani thuwø, ï ba jääla. Ciï nø, ni ba bääyï këët.»]

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.