Jøøn 3:11 - Wëël Jwøk

¹¹ Adïëri møn a caana gø jïrï, wa caana gïn mo ŋäcwa, ni wa køpa mana neenwa. 'Ba u kär jïëy ki luumwa.

Jøøn 3:11 Iomraidhean Croise

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 55:4

Ka adïëri møn, ŋatøgø atïïa na ŋat ŋäc tiet jammi 'moa, ni wø caan gø jï jiy, ni tïïa eni na bwödhi na ŋat kööm jiy.

Aydheea 65:2

Cääŋŋe bëët, a bëëdö ni ceŋŋa yaa thaaŋø baŋ jiy moa wïthge teek, jø wø caath uutjïëthe mo ba beyø, ni wø bëëdö ni ge cäädhi ka køør acaare moge keerge.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 1:11

Ena ö baŋ moa näk moe, ni kär moe jïëy ki eni.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 12:49

Kiper aani, a ba caan luup mo käla wïïa, a keera. 'Ba Wuuö ki dëëre na jääŋ aani beeye na cïp luubö mano caana ki mano looba.

Jøøn 14:24

'Ba ŋat wø ba mëër ki aani, luupa bäŋ wø gwøe. 'Ba luupa wïnynyu, paa 'moa keere, 'ba beege mo Wära na jääŋ aani.

Jøøn 3:12

?Ni näk jap piny yaa caanø jïïu, ni käru ge jïëö, uuno jïëyu nidïï, noo caana jap maal jïïu?

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 5:43

Aani, aana öö ki nyeŋ Wära, 'ba a käru jïëö. 'Ba ni näk da ŋat mør mo öö ki nyeŋŋe keere, beeye ŋato jïëyu.

Jøøn 7:16

Ni løgi ya Jecu jïge, «A ba pöö ka mara, 'ba beeye mar eni na jääŋ aani.

Jøøn 8:14

Ni løgi ya Jecu, «Këël doo naa a køpa gïra keera, luumma caana beeye adïëri. Kiper aani, kuna käla yie ki kuno cøøa yie ŋääa. 'Ba uuni kuna käla yie ki kuno cøøa yie kuyu.

Jøøn 8:26

Aani jïra da luup mo thööth mo caana caanø kiperu, ki mo thööth mo ŋøla piny. 'Ba eni na jääŋ aani beeye adïëri, ni luup moa wïnynya baŋe beeye ni wø caana jï jø piny.»

Jøøn 8:38

Aani, a caana moa jooda baŋ Wära, ba uuni, u tïïya moa wïnynyu baŋ wääu.»

Moa Tïïc Nyïïatwieli 22:18

Ni neena Jecu ni kööe ki aani, ni ‹Ö maal ni laarï aa wøk ki yi Jerucalem, kiper ge ba maar jïëy ki marï na diï caanø kipera.›

2 Körin 4:4

'Ba beeye jwø pinyi en na wëëk jøøa kär jïëy cøørø, nee tac luumma nyään na met mar ajiem Krictø nee ba neenge, ŋata kïte caal kït Jwøk.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree: