Jøøn 21:12 - Wëël Jwøk

¹² Kanyøgø Jecu aköö jïge, ni «Ööu, ni cämu nø.» 'Ba bäŋ bääŋ aciel mo cwïnye ee maa ki man pëëny gø, ni «?Ïïna ŋa?» 'Ba aŋäcge ni beeye Kwäärö.

Jøøn 21:12 Iomraidhean Croise

Mathiew 22:46

'Ba bäŋ dhaanhø mo oløny jïre ki man duun gø ki luubö. Ni bäŋe ŋat mo cwïnye ee maar mak ki man pëëny gø ki pïëc møøk këët køør pïëyögø.

Maak 9:32

'Ba bääge, tier luumma caane kär ci cwïnyge, ni ge lwäär ki man pëënyge eni.

Luk 9:45

'Ba tier luummögøøni kär ci cwïnyge. 'Ba tiere atïmö no okanø ki geni, nee ba ŋäcge. 'Ba gena lwäyö ki man pëënyge eni ki tier luummögøøni.

Jøøn 16:19

'Ba ŋäc Jecu ni ge caya man pëënyge eni, ni kööe jïge, ni «?U pëënynya røgu ki tier gïna caana jïïu, ni ‹Ki kany mo thiinh a ba neennu, 'ba ki kany mo thiinh aano cäŋu neennu›?

Jøøn 21:11

Køøre Cayman Piter aci yi jääy ni tuut ajääp bäät ageela, ni päŋ ki rec mo døøŋŋø ma dïpa aciel ki pïërabïïc kurdäk. 'Ba këël na thööth reci døc, bäŋ kany mo ojeec ra ajääp.

Jøøn 21:15

'Ba na lønyge ki cam, Jecu aköö jï Cayman Piter, ni «?Cayman o Jøøn, ï mëër ki aani ni kaala moi?» Ni kööe jïgø, «Ŋäyï, Kwäärö, naa mëër ki ïïni.» Ni kö Jecu jïre, «Piith nyïï dïëga.»

Jøøn 4:27

Kanyøgø nø, bääge aput öö, ni thäŋ yïthge kiper mana cääne ki dhaagø. 'Ba bäŋ ŋat mo oköö, na «?Agïnaŋø ni manynyï?» Wala, «?Aŋø ni cäänï ki dhaaŋŋi en?»

Moa Tïïc Nyïïatwieli 10:41

'Ba paa jï jiy bëët, 'ba beeye waani na näk ojier Jwøki na lïŋŋe, wa na cämö ni mäthwa ki eni køør duunne wøk ki yi thøø.