Jøøn 20:31 - Wëël Jwøk

³¹ 'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 20:31 Iomraidhean Croise

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Maak 16:16

'Ba ŋato wäro jïëy ni ŋäädhe ni lwøi na nyuudhi, opiem. 'Ba ŋato wäro ba jïëy ni ŋäädhe, ojääl.

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 1:4

nee adïëri mar gïïa pwöny ïïni ki ge nee ŋäyï.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 10:10

'Ba kuu wø ööi kaper kwal keere, ki 'näk, ka aranya. 'Ba aani, a ööi kaper nee ge kwøwge ki kwøw mana näk adïëri.

Jøøn 19:35

'Ba ŋata neen gøøni ki waŋe beeye na caan mare kiper gø, ni mana caane beeye adïëri, ni ŋääe ni eni caana adïëri, kiper nee uuni thuwø, nou jïëyu ni ŋäädhu.

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Moa Tïïc Nyïïatwieli 10:43

Ni beeye eni na gïre caan nyïïkuk Jwøki bëët, ni jiy bëët moo jïëy ki eni ni ŋääthge gø, raacge owec ki køør nyeŋŋe.»

Moa Tïïc Nyïïatwieli 3:16

'Ba beeye Jecu manøgø ki ŋäädhe na en ri nyeŋŋe na wëëk ŋati tëënnö ni neennu en ni ŋäyu. Ni beeye ŋäädhe mana öö ki ri Jecu na wëëk dëër ŋati døø kare na bäre nyïmmu bëët.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Moa Tïïc Nyïïatwieli 8:37

Ni kö Pilipi, ni «Ni näk mo ïïno jïëy ki cwïnyï bäre, ï di lwøø.» Ni dwøk gø, ni «Aana jïëy ni Jecu Krictø beeye o Jwøk.»]

Moa Tïïc Nyïïatwieli 9:20

Ni put gïr nyeŋ Jecu køp yïth uut acook lam, ni caana gø, ni Jecu beeye O Jwøk.

1 Piter 1:9

'Ba mana duu ŋäädhe maru jïïu, jwïëyu apiem.

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.

Mana Nyooth 2:18

«Ni göötï baŋ nyïïatwiel maal mar acooŋ Jwøk mana en Thayatira, ni kööï, ni «Moi beege luup O Jwøk, ŋata nyeŋŋe caal maac mo liel, ni tiete caala jwëëlli mo othoodhø.