Jøøn 20:22 - Wëël Jwøk

²² 'Ba na lønye ki caan gïnögø, ena jwïëy bäätge ki jamø, ni kööe jïge, ni «Jwïëc Jwøk na en kur keere jïëyu nee ci dëëtu.

Jøøn 20:22 Iomraidhean Croise

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Jööp 33:4

Jwïëc Jwøk bee na cwääc aani, ni ö jam jwïëy mar Jwøa en teeki jïre ni wëëk aani kwøw.

Edhikiel 37:9

Køøre Wuuö Jwøk acäŋ köö jïra, «Wär dhaanhø, cään jam jwïëy, ni kööï jïre ni man beeye luumma caan Wuuö Jwøki, ena köö, ni ‹Wui, jam jwïëy, kwönnï ki yïth tuk piny moa na aŋween, ni ciï røk dëëlli moi no othøw ii, nee cäŋge kwøw.› »

Jøøn 14:16

'Ba Wuuö okwaa, ni mooc uuni ki Dïkunyi mør, nee bëëde ki uuni na bäre bäre,

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 16:7

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu.

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 20:23

Ni näk raac jø møøk weyu wiiø, raacge onø wec. 'Ba ni näk raac jø møøk you wii bäätge, raacge onø wii bäätge.»

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Moa Tïïc Nyïïatwieli 10:47

ni «?Da ŋat mo maar pïï mänö ki man lwøk jøøi na nyuudhi? Geni Jwïëc Jwøk na en kur keere onø wëëk geni kaamarø!»

Moa Tïïc Nyïïatwieli 19:2

Ni kööe jïge, no «?U kär jïtö ki Jwïëc Jwøk na en kur keere kanya jïëyu?» Ni köge, ni «Jïwa bäyö. Poot kärwa wïnynyö cøøn ni da Jwïëc Jwøk mo ena kur keere.»

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 2:4

Ni pääŋ dëëtge bëët ki Jwïëc Jwøk na en kur keere, ni täkge ki cäänö ki dhøgi møøk, kaa mana ö Jwïëc Jwøki na en kur keere na wëëk ge cäänö.

Moa Tïïc Nyïïatwieli 4:8

'Ba kanyøgø Piter na cwïnye päŋ ki Jwïëc Jwøk na en kur keere, aköö jïge, ni «U na kwääc jiy ki u na jaae,

Moa Tïïc Nyïïatwieli 8:15

Ni öge ni lämge kiperge, nee cwïnyge jïtge ki Jwïëc Jwøk na en kur keere.

Galeecia 3:2

'Ba wïnynyu mara, nou pëënynya ki gïrpiny aciel keere. ?Jwïëc Jwøk, jootu kaper tïïe moa en ri ciik Jwøk wala jootu kaper mana wïnynyu ni ŋääthu gø?