Jøøn 20:19 - Wëël Jwøk

¹⁹ 'Ba dïcäŋögø na tïm pinynyi na wïthïënhö ki täk tïïc, ni dhøk odhuule mo øda en bääŋi yie ocïëgö kiper mana lwäärge ki jø Juuth, Jecu aöö ni cuŋŋe dïge, ni kööe jïge, ni «Bëët-mëër bëëde bäätu.»

Jøøn 20:19 Iomraidhean Croise

Mathiew 10:13

'Ba noo näk mo jø paac mo beer, bëët-mëër maru wär wëëgu bëëtö yie. 'Ba noo näk mo ba beer, bëët-mëër maru wär duu baŋu.

Mathiew 18:20

Kiper kany wø näk da jiy ariiø wala jiy adäk mo dëëtge ege cooŋø ki nyeŋŋa, a ena dïge kaace.»

Maak 16:14

'Ba na näk ŋääe cään, Jecu dëëre acäŋ nyuth bääge na näk apaar kurciel ki dëëtge, ni ge ena kar cam, ni cään geni kiper mana teek cwïnyge ni kärge jïëy. Kiper luumma caan jøøa neen gø køør mana ö maal kärge jïëö.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 20:21

'Ba Jecu acäŋ köö jïge, ni «Bëët-mëër bëëde bäätu. Kaa mana ö Wuue na jääŋ aani, u jääŋŋa jääŋŋö thuwø.»

Jøøn 20:26

'Ba na tïme na køør nïne abära, bääge acäŋ dwät yi øtø, ni Tøma ena dïge, no odhuuth øtø ocïëgö. 'Ba Jecu aöö ni cuŋŋe dïge, ni kööe, ni «Bëët-mëër bëëde bäätu.»

Jøøn 21:1

'Ba køør manøgø Jecu ree acäŋ nyoothø jï bääge bäät Puul Taybiria. Ni ree nyoodhe na ennønø jïge.

Jøøn 21:14

Manøgø beeye dää nyuudhi mana ö Jecu na nyooth ree jï bääge ki køør mana tïŋi maal ki yi thøø.

Jøøn 7:13

'Ba kiper mana lwäärge ki jø Juuth, bäŋ ŋat mo ocwøl nyeŋŋe ni wïnyö.

Moa Tïïc Nyïïatwieli 1:3

'Ba køør gïïa leth na jwøre, eni dëëre anyoodhe jïge ni eni kwøw ki yïth nyuuthe mo thööth. Ni eni ree wø nyoodhe nyoodhø jïge ki yïth nïra näk pïëraŋween, ni eni wø cäänö kiper buc Jwøk.

Wëëlö Mana Göör Pøølli Baŋ Jø Röm 15:33

Jwøk ni wø cïp bëët-mëër bëëde ki uuni bëët. Enøgønø.

1 Körin 15:5

ni nyooth ree jï Ciipa. Køøre dëëre anyuth bääŋi na näk apaar kurriiø.

Epeca 2:14

Ni beeye eni na wëëk ø bëët-mëër, ŋata dwal jø Juuth ki juurre na aciel, ni raany keew mar män na pääŋ øøni,

Epeca 6:23

'Ba bëët-mëër en bäät nyïïmëëe, ki mëër, ki ŋäädhe ciel man wø ööi ki baŋ Jwøk na näk Wuuö, ge ki Kwäärö ma Jecu Krictø.

Pilipay 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø ki Kwäärö ma Jecu Krictø.

2 Thecalönika 3:16

'Ba kawaane Kwäärö ki dëëre ni wø cïp bëët-mëër, uuno wëëk bëët-mëër cooth ki yïth jammi bëët. 'Ba Kwäärö bëëde ki uuni bëët.

Ibaru 7:2

Ni ö Eeberammi ni cïpe jï gø ki paac wïth jammi ri gïïa kääre bëët. 'Ba eni, tier nyeŋŋe beeye «Nyeny bëënynyö,» ni näk nyeny Calem thuwø, na näk tiere beeye ni «Nyeny bëët-mëër.»

3 Jøøn 1:14

Yaa ŋäädhö ni ïïno jooda kany mo cään, nøø cäänø ni nyeŋŋø raŋŋø raŋŋø.

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,