Jøøn 20:17 - Wëël Jwøk

¹⁷ 'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Jøøn 20:17 Iomraidhean Croise

2 Nyeye 4:29

'Ba Ilaaca aköö jï Gaadhi, ni «Twöö abïïnï pierï ni lwørï athøra mara, ni aayï. 'Ba ni näk miï røømmø ki dhaanhø mør, kär eni määthï; ni näk mo da ŋat mo määtha ïïni, kär niï dwøga gø jïre. 'Ba athøra mara wär cïp täärnyïm nyilaal.»

2 Nyeye 7:9

'Ba gena cäänö yïthakicge keerge, ni «Gïn ni tïïø en patha kare. Dïcäŋi beeye dïcäŋ caan waac mo met yie, 'ba ø bëëdö ni ø lïŋö jaak. Ni näk mo ø bëëdö jaak këël diøø ka amöölla, da ajäla mo pïï bäätø. 'Ba ennø, beerra man cøø ni caanø gïna tägö jï jø paan dwøŋ.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Mathiew 12:50

Kiper ŋat wäro tïïc mana many Wära ni en maal, beeye coka ni näk mera.»

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 28:7

'Ba cou ni caannu gø jï bääge, ni ‹Ena ö maal ki yi thøø. 'Ba eni cøøa nyïmmu yi Galili. Eno jootu kaace.› Ennø, anø caana jïïu.»

Maak 12:26

'Ba nee kiper tïŋ jiy maal ki yi thøø, ?käru kwaanø yi wëël Modhe kanya no ocaanø kiper abuŋŋö, kanya kö Jwøki jïgø, ni ‹Aana Jwø Eeberam ni näga Jwø Aydhak, ni näga Jwø Jeekap›?

Maak 16:19

'Ba kanyøgønø, na ö Kwäärö ma Jecu na nø cääne ki bääge, ena kïth maal, ni pï bäät cwïï Jwøk.

Luk 10:4

'Ba käru käädö ki gïr gwel, ko opïr, ki war. Ni bäŋe ŋat määthu waŋjöö.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 14:2

Kiper po Wära da uudi mo thööth. ?Onää bäŋ tiere daa caana jïïu naa cøøa kuna jiiŋŋa karu?

Jøøn 14:28

Awïnynyu na kööa jïïu, na ‹A aay, ni duua baŋu.› Onää u mëër ki aani, yïthu doo mïnnö, kiper a cøøa baŋ Wuuö. Kiper Wuuö dwøŋŋa eni ki aani.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:11

'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 20:27

Kanyøgø ena köö jï Tøma, «Kïth lweetï kany ni neenï ceŋŋa, ni kälï cerï ni kïthï gø tier-buuta. Kärï bëëdö ni bäŋ ŋäädhe cwïnyï, 'ba jïëyï ni ŋäädhï.»

Jøøn 7:33

Kanyøgø Jecu aköö, ni «Aano en buutu ki kany mo thiinh; noo näk køøre, aano døø baŋ Ŋata jääŋ aani.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.