Jøøn 20:16 - Wëël Jwøk

¹⁶ Ni kö Jecu jïre, ni «Meeri.» Ni ö dhaaŋŋøgøøni ni put ree løk, ni kööe jïre ki dhi Ibaru, «Rabönay,» na näk tiere beeye Dïpööy.

Jøøn 20:16 Iomraidhean Croise

Wïlöölö 22:1

'Ba na tïme na køør gïïögø bëët, Jwøk Eeberam apääre, ni kööe jïgø, ni «Nyie Eeberam.» Ni kö Eeberammi, ni «Aani en.»

Wïlöölö 22:11

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Wïlöölö 45:12

«Kawaane ajootu ki nyeŋŋu, ni jooti ya coka ma Benjamen ni beeye aani ki dëëra na cäänö ki uuni en.

Bwøth Wøk 3:4

'Ba kanya ö Wuuö Jwøki na neen gø ni Modhe gää kuna nëënne, Jwøk acwötö ki dï abuŋŋö ni kööe, ni «Modhe! Modhe!» Ni kö Modhe, ni «Aani en.»

Bwøth Wøk 33:17

'Ba Wuuö Jwøk aköö jï Modhe, ni «Aani gïna cäänï kipere enøgø tïïa tïïö møn; kiper yia met ki ïïni, ni ï yaa nø ŋäc cøøn.»

Obeec Dudi 3:4

'Ba kanya pöödha ki buutge mo thiinh, ŋata mëëra ki gø ki cwïnya aputa joot, ni puta gø mak ni mäna gø ki wääth, ni kïtha gø po mera, yi øtø mare, eni na nywøl aani.

Obeec Dudi 5:2

'Ba ni aano butö, cwïnya abëëdö ni nëënö. 'Ba dwøl aputa wïnynyö, no omëër mara dööŋö dhi øtø, ni kööe, «Wui coka, nyimëëc cwïnya, na bëëtö mare beer, na mwöl kaamar akuuru, jap dhi øtø jïra. Aani wïïa atïmö ni thec ki thööy, ni tïm jïëc wïïa ni thec ki thööc wäär.»

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Mathiew 14:27

'Ba kanyøgø Jecu aput luupö ki geni ni kööe, ni «Magu cwïnynyu. Man a aani. Käru lwäyö.»

Maak 10:51

Ni kö Jecu jïgø, na «?Agïnaŋø ni manynyï nee tïïa jïrï?» Ni ö cwønøgø ni kööe jïgø, «Dïpööy, wëëk nyeŋŋa døø karge.»

Luk 10:41

'Ba aløk Kwäärö jïgø, ni «Martha, Martha, wïïï akierï ni dëërï ii öölö ki jammi mo thööth.

Jøøn 1:38

Ni ö Jecu ni løk ree ni joot geni ni ge lämma køøre, ni kööe jïge, «?Agïnaŋø ni manynyu?» Ni köge jïre, ni «?Raabay,» na näk tiere beeye Dïpööy, «Ï bëëdï kaa ŋø?»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 10:3

Ni ö ŋat wø koor dhi kal ni jap gø jïre. Ni ö dïëki ni wïnyge dwøre. Ni eni dïëge wø cøøre cøørø ki nyeŋge, ni bwøth geni wøk.

Jøøn 11:28

Køøre Martha, na nø caan luummögø, ena cøø ni cwøl coki ma Meeri ni caan gø jï gø mëëth, ni «Dïpööy ena kany, ni pëënynya ïïni.»

Jøøn 13:13

A wø cwøllu cwølø ni Dïpööy, ni cwøllu a ni Kwäärö, ni beeye kare, kiper beeye aani.

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 5:2

Kanyøce yi Jerucalem da aguula mo cwøl ni Bethdhata ki dhi Ibaru, mo bääte da kwör rïc ma abïïc, mo ena buut Dhi Kiir Dïëk.

Jøøn 6:25

'Ba na jootge eni løøga, gena köö jïre, «?Dïpööy, ïïno ö kany yi wäne?»

Moa Tïïc Nyïïatwieli 10:3

'Ba dïcäŋ aciel kar caae adäk ka abøøya, nyïïatwiel maal mør mar Jwøk ajoode døøc ni ööa baŋe ni kööe jïre, ni «Körnilia.»

Moa Tïïc Nyïïatwieli 9:4

Ni put pädhö ni wïny dwøl ni cäänö ki eni, ni köö, ni «?Cøøl, Cøøl, aŋø ni gëëmï ki aani en?»

1 Camiel 3:10

Køøre Wuuö Jwøk aöö ni cuŋŋe ni cwöte kaawat mana dïkwøŋ, ni «Camiel, Camiel.» Ni kö Camielli, ni «Caan marï nø, kiper a na laŋŋï, ïtha yaa ciiø.»

1 Camiel 3:6

'Ba Wuuö Jwøk acäŋ cwötö, ni «Camiel!» Ni ö Camielli ni päny maal ni ci baŋ Ëli, ni kööe, ni «Aana öö. ?A kärï cwølø na bëëde?» 'Ba aløk Ëli jïre, ni «Ï kära cwølø, wääda; ci cäŋ but piny.»