Jøøn 20:1 - Wëël Jwøk

¹ 'Ba na tïme na täk tïïc ka amöölla cøøn ni piny poot cøl, Meeri Magdalin amøøl bäät bwörö ni joot kïdi no odaa dhi bwörö.

Jøøn 20:1 Iomraidhean Croise

Mathiew 27:56

'Ba Meeri Magdalin, ki Meeri mii Jeemeth ki Jocep, ki mii wäät Dhebedi ena dï mään moøgø.

Mathiew 27:60

ni pïël gø yi bwörö mare kiree mo poot nyään, mo ee nø løøt yi kïdi. Ni ŋïël kïdi mør mo dwøŋ døc dhi bwörö manøgø, ni aae.

Mathiew 27:64

Kiper manøgø nø, cïpï ki dwøl nee bwörö mare koor këël mano këët ri dää nïne, kiper nee bääge ba öge kuna kwalge dëëre, ni caange gø jï jiy, ni ‹Ena tïŋ maal ki yi thøø.› Køøre nø, cwøk mano ööi cään tïmö ni kadha rääö mare ki mana dïkwøŋ.»

Mathiew 27:66

Kanyøgø gena aay ni dëëtge dhi bwörö manøgø, ni moocge dëër kïnnögø ki ŋïï. Ni wecge jø tøŋ ni kurö.

Mathiew 28:1

'Ba kanya tïme na køør cäŋ jwömö, ni øw manynya kwäärö nee tïme na täk tïïc, Meeri Magdalin ki Meeri maya aci kuna neenge bwörö.

Mathiew 28:2

'Ba piny ojïtö ki dïjäŋ piny mo dwøŋ døc. Kiper nyïïatwiel maal mar Wuuö aöö ki maal ni daak kïdi dhi bwörö, ni pï piny bäät gø.

Maak 15:46

Ni ö Jocepi ni ŋëëe ka abïïn koony, ni käl dëër Jecu piny, ni bøøny gø ka abïïnögø, ni pïël gø yi bwöya näk mare, e na Jocep, na näk onø løøt yi kïdi. Ni ŋïël kïdi mør dhi bwöyögø.

Maak 16:9

'Ba dïcäŋa ö Jecu maal ka amöölla cøøn ki täk tïïc, dëëre akwøŋ nyuth Meeri Magdalin, ŋata riem anäga näk abïriiø wøk dëër gø.

Jøøn 11:38

Kanyøgø cwïny Jecu acäŋ pädhö døc, ni ci bäät bwörö. 'Ba bwöyögøøni beeye kany mo ŋaam yi kïdi. Ni da kïdi mør mo oŋiel dhee.

Jøøn 11:41

Kanyøgø kïdi adaakge. Ni ö Jecu ni lwïthe maal ni kööe, «Awuuö, a duua met ec jïrï kiper na wïnynyï mara.

Jøøn 19:25

Køøre gïnögø atïïc jø tøŋŋi. 'Ba jøøa cuŋŋö buut jaadha no odëëdö mar Jecu beeye menni ki cöök menni, ki Meeri cï Kilöpa, ki Meeri Magdalin.

Jøøn 20:26

'Ba na tïme na køør nïne abära, bääge acäŋ dwät yi øtø, ni Tøma ena dïge, no odhuuth øtø ocïëgö. 'Ba Jecu aöö ni cuŋŋe dïge, ni kööe, ni «Bëët-mëër bëëde bäätu.»

Moa Tïïc Nyïïatwieli 20:7

'Ba na tïme na täk tïïc, ni dëëtwa ewa cooŋ kanya ciel nee wa cämwa ki møø, Pøøl acäänö ki geni, ni ee cooŋø ki cwïnye ni eni tïŋŋö ka aruunnø. Ni tïïc luumme ni yie bäär ni këët dï wäär.

1 Körin 16:2

Kany wø tïme na cäŋ Jwøk ki yïth juu bëët, ŋati man nø dïïu wäro lwöte ki gïrpiny ni kan gø, kaawat mano en jïre, kiper nee bäŋe jammi mo poot di cooŋø këët dïcäŋo ööa.

Mana Nyooth 1:10

'Ba dïcäŋ aciel ma Cäŋ Jwøk, Jwïëc Jwøk aö bääta, ni wïnynya dwøl ŋääa mo dwøŋ, mo keda dwør tuuŋ,