Jøøn 2:24 - Wëël Jwøk

²⁴ 'Ba Jecu, dëëre käre wëëk geni, kiper eni jiy ŋääe bëët,

Jøøn 2:24 Iomraidhean Croise

1 Nyeye 8:39

beerra man wïnynyï gø kany wø bëëdï yie maalø, ni wëënnï ŋati man nø, ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Mathiew 9:4

'Ba kanya ö Jecu na nø ŋäc luumma en cwïnyge, ena köö, na «?Aŋø ni caru gïï mo reyø ki cwïnynyu en?

Maak 2:8

'Ba na ŋäyi ya Jecu ki cwïnye ni ge cäänö ki cwïnyge, aput caan jïge, na «?Aŋø ni cäänu na enø nø ki cwïnynyu en?

Jøøn 1:42

Ni ööe ni käl gø baŋ Jecu. 'Ba na ö Jecu na neen gø, ena köö, ni «Bee ï, Cayman wär Jøøn. Beer, ïïno cwøl ni Ciipa, wala Piter;» na näk tiere beeye Kïdi.

Jøøn 16:30

'Ba kawaane ï ŋäcwa ni jammi bëët ŋäyï, ni doo bäŋ dhaanhø mo pëëny ïïni këët. Ni beeye na jïëcwa niï käla baŋ Jwøk.»

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Jøøn 4:16

'Ba Jecu aköö jïre, «Ciï ni cwølï cwørï ni duu kany.»

Jøøn 5:42

'Ba aani, u ŋääa, ni ŋääa ni mëëc Jwøk tøørø cwïnynyu.

Jøøn 6:15

'Ba Jecu na joot gø ni geni caya man makge eni ki teek nee tïïcge na nyeya, ena cäŋ døø bäät thuur e keere.

Jøøn 6:64

'Ba da jiy møøk dëëtu mo ba jïëy ni ŋääthge.» Kiper dëët jøøa kär jïëy, ŋäc Jecu cøøn, ki ŋato cïp eni ceŋ nyïïmän.

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 15:8

'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø.

Tiet Ciik 31:21

'Ba kanyo tïme ni gïï mo leth ki gïï mo reyø pïï bäätge, duut man otïmö na gïn mo nyootha bääyö marge jïge; ni bëëde na duut mo nut dhøk nyïïkwaacge ni ge wära gø cooth, ni wïthge ba wïl ki gø. Kiper acaara mano caarge ki cwïnyge dïcäŋi enø, ŋääa cøøn këël na bëëde ni ge poot kära kïth yi ŋöömma kööŋa kipere jï kwäcge.»

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»