Jøøn 2:19 - Wëël Jwøk

¹⁹ Ni løgi ya Jecu jïge, «Nyagu Øt Jwøk man. 'Ba aani, ødøgø otïŋa maal ki nïne adägö.»

Jøøn 2:19 Iomraidhean Croise

Mathiew 12:40

Kiper Wär Dhaanhø ojïti ki nïne adäk ki wärre adäk piny, kaawat mana ö Joona na bëëde yi rëëö ki nïne adäk ki wärre adäk.

Mathiew 16:21

Ki mana täge kar kaace nø, Jecu atägö ki man cään bääge ni eni cøøa Jerucalem ni jwør gïï mo thööth ceŋ jaae ki kwääc laam ki dïpööye mo ciik Jwøk, ni nääi, ni cäŋi tïŋ maal ri dää nïne.

Mathiew 27:40

ni köge, ni «Ï na doo nyak Øt Jwøk Mana Dwøŋ ni cäŋi gø geerrø ki nïne adäk, køny riï nø. Ö piny ki bäät jaadha no odëëdö, ni näk mo ïïna O Jwøk møn.»

Mathiew 27:63

ni köge, ni «Kwäärö, wïthwa aparwa ki luum dïcuuy manøgø, kanya poode ni kwøw ena köö, ni ‹Køør nïne adäk, a cäŋa ö maal ki yi thøø.›

Maak 14:58

na «Awïnywa ni eni köö, ni ‹Aani, Øt Jwøk man en na tïïc ki ceŋ, onyaa piny ni geera mør ki nïne adäk mo ba tïïc ka ceŋ.› »

Maak 15:29

'Ba jø wø pöödhi ki kaace wïthge wø kenyge kenyø, ni marge abuua, ni köge, «Ï na doo nyak Øt Jwøk Mana Dwøŋ ni cäŋi gø geerrø ki nïne adäk,

Maak 8:31

Køøre Jecu atägö ki man pwöny bääge, ni Wär Dhaanhø gïï mo leth mo thööth ojwøre, ni kwieri ya jaae, ki kwääc laam, ki dïpööye mo ciik Jwøk, ni nääi, ni cäŋi ö maal ri dää nïne.

Jøøn 11:25

Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Moa Tïïc Nyïïatwieli 2:24

'Ba ena tïŋ Jwøki maal ki yi thøø ni pät gø cer thøø, kiper ba doo løny jï thøø ki man mak gø.

Moa Tïïc Nyïïatwieli 2:32

'Ba beeye Jecu manøgø na tïŋ Jwøki maal, ni gïnögø aneenwa bëët.

Moa Tïïc Nyïïatwieli 3:15

ni 'nägu ŋat wø cïp kwøw; 'ba ena tïŋ Jwøki maal ki yi thøø. Ni waani, waana lïŋŋe kiper gïnögø.

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Moa Tïïc Nyïïatwieli 6:14

Kiper mare awïnywa ni eni cäänö ni Jecu nyï Nadhareth manøgø, kany raanynye raanynyø, ni wiil kööŋŋe moa wëëk Modhe øøni.»

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 6:4

Kiper manøgønø, øøna koony ki eni na aciel ki køør lwøk marø na lwøk øøni na nyuudhi yi thøwe, kiper nee jöör kwøw mana nyään caadhø, kaawat mana ö Krictø na tïŋi maal ki yi thøø ki køør ajiem Wuuö Jwøk.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

1 Körin 15:12

?'Ba kawaane ni näk Krictø okøbø jïïu no otïŋ maal ki yi thøø, jø møøk dïïu a dege köö nidïï ni bäŋ duun wøk ki yi thøø?

Köløcia 2:12

'Ba kanya lwøk dëëtu na nyuudhi, koonynya uuni ki eni na aciel, ni beeye mana tïŋ uuni maal thuwø ki eni, ki køør ŋäädhe mana ŋääthu teek Jwøk na tïïö, ŋata tïŋ gø maal ki yi thøø.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.