Jøøn 19:9 - Wëël Jwøk

⁹ Ni cäŋ døø øt bura ni kööe jï Jecu, na «?A kaa na kälï yie?» 'Ba Jecu bäŋ gïn mo ee løø.

Jøøn 19:9 Iomraidhean Croise

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Mathiew 27:27

'Ba kanyøgø jø tøŋ mo kwäärö, Jecu akälge ni kïthge gø kany wø bëët jø tøŋŋi yie, ni cooŋge jø tøŋ bëët nyïme.

Luk 23:9

Kanyøgø Jecu atete døc. 'Ba dhee käre jaalø.

Jøøn 18:28

Kanyøgø jø Juuth Jecu akälge wøk ki yi øt Keepa ni kïthge gø øt bura mar kwäärö ma Paylat, ni piny poot cøl. 'Ba geni ki dëëtge ge kär døny yi ødøgø, kiper nee ba tïmge ni ge ba waany, kiper nee cam Ajwöma Mar Cäŋa Pööth Thøøe Yie camge.

Jøøn 18:33

'Ba Paylat acäŋ døny yi øt bura ni cwøl Jecu ni pëëny gø, ni «?Bee ïïni na nyeny jø Juuth?»

Jøøn 18:34

Ni løgi ya Jecu, «?Luummögøøni caanï ka wïïï keerï, wala caana jø møøki jïrï?»

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 19:10

Kanyøgø Paylat aköö jïre, na «?Aŋø, ï ba cäänö ki aani? ?Kuyï ni jïra da teek ki man päda ïïni, ki teek man gura ïïni bäät jaadha no odëëdö?»

Jøøn 19:8

'Ba Paylat na wïny luummögøøni, lwär mare akääthö.

Jøøn 8:14

Ni løgi ya Jecu, «Këël doo naa a køpa gïra keera, luumma caana beeye adïëri. Kiper aani, kuna käla yie ki kuno cøøa yie ŋääa. 'Ba uuni kuna käla yie ki kuno cøøa yie kuyu.

Pilipay 1:28

'Ba kär nou lwäyö ki gïï wø tïïc jø wø män ki uuni bëët. Kiper manøgøøni beeye nyuudhi jïge mar ränynyö marge, 'ba ki jïïu beeye pïëm man piem uuni ki gø, ni beeye man wø cïp Jwøki.

Pïëmme 13:6

Køøre nyijøøgø aöö ni caan luummögø jï cwøre, ni kööe, ni «Da dhaanhø ma dhaanh Jwøk mo ree ee nyoodhø jïra, mo bëëtö mare caala nyïïatwiel maal mar Jwøk, ni di lwäyö ki eni. 'Ba kanya käl yie kära pëënynyö, këël nyeŋŋe thuwø käre caanø jïra.