Jøøn 19:42 - Wëël Jwøk

⁴² 'Ba kiper mana tïm cäŋögø na cäŋ jiiŋ røk mar jø Juuth, ni bwöyögøøni kare cään, dëër Jecu akïthge yie.

Jøøn 19:42 Iomraidhean Croise

Aydheea 53:9

Ena koony kanya koony jøøa reyø yie, ni bee kanya koony jøøa no okwär yie, këël na bëëde ni bäŋ gïn mo raac mo ee tïïö, ni bäŋ cwøk mo owïnyö dhee.

Mathiew 12:40

Kiper Wär Dhaanhø ojïti ki nïne adäk ki wärre adäk piny, kaawat mana ö Joona na bëëde yi rëëö ki nïne adäk ki wärre adäk.

Jøøn 19:14

'Ba dïcäŋögø beeye dïcäŋ jiiŋ røk kiper ajwöm-cam mar cäŋ Cäŋa Pööth Thøøe Yie. 'Ba beeye caae abïciel. Ni kö Paylati jï jø Juuth, ni «Nyenynyu en.»

Jøøn 19:20

Ni ö jø Juuthi mo thööth ni kwaange luummögø, kiper kanya 'näk Jecu yie bäät jaadha no odëëdö kare cään ki pääny. Ni luummögø göör ka dhi Ibaru, ki dhi Latin, ki dhi Gïrïïk.

Jøøn 19:31

'Ba kiper mana tïm cäŋögø na cäŋ jiiŋ røk, jø Juuth Paylat apëënyge nee tiet jøøgø tøyi, nee dëëtge käl wøk, kiper nee ge ba bëëtge bäät jera no odëëdö ki cäŋ jwömö, kiper mana näk cäŋ jwömöce beeye cäŋ mo dwøŋ.

Jøøn 19:41

'Ba kanya nääi yie bäät jaadha no odëëdö, da pwöth jenni. 'Ba yi pwöthögø yie da bwöc kïdi mo orøø mo nyään, mo poot bäŋ dhaanhø mo okoony yie.

Moa Tïïc Nyïïatwieli 13:29

'Ba na nø wëëkge gïïa näk ogöörö bëët kipere thur karge, rïŋ dëëre akäl piny ki bäät jaath, ni pïëlli yi bwörö.

1 Körin 15:4

ni koonyi, ni tïŋi maal ri dää nïne, kaawat mana no ogöörö yïth Weet Jwøk,

Köløcia 2:12

'Ba kanya lwøk dëëtu na nyuudhi, koonynya uuni ki eni na aciel, ni beeye mana tïŋ uuni maal thuwø ki eni, ki køør ŋäädhe mana ŋääthu teek Jwøk na tïïö, ŋata tïŋ gø maal ki yi thøø.