Jøøn 19:34 - Wëël Jwøk

³⁴ 'Ba dhaanhø aciel dëët jø tøŋ tier-buut Jecu acwøbe ki tøŋ, ni put remø ki pïï ö wøk.

Jøøn 19:34 Iomraidhean Croise

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 27:62

'Ba kanya tïme na aruunnø, cäŋa en køør cäŋ jiiŋ røk, kwääc laam ki jø Paricith, gena ci baŋ Paylat,

Jøøn 19:33

'Ba na öge baŋ Jecu na jootge gø ni eno nø thøø, tiet gø kärge tøyø.

Jøøn 20:20

'Ba na nø caan gïnögø, ceŋŋe anyoodhe jïge ki tier-buute. Kanyøgø bääŋi yïthge amïnnö na neenge Kwäärö.

Moa Tïïc Nyïïatwieli 22:16

?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 9:13

'Ba ni näk mo rem dïëk ki mo rwädhe ki bur mar dhieŋ ma nyakøø mo wø jør dëët jø wø näk ba waany wø døøya geni mo ena kur keerge ni døøc dëëtge mo waany,

Ibaru 9:22

'Ba jammi moa wara bëën ciik Modhe, thööthge bëët bëënynyi ka remø møn. Ni raay ba wëënni ni näk baŋ remø mo ogwier piny.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

1 Jøøn 5:8

Da lïŋŋe adäk, Jwïëc Jwøk, ki pïï, ki remø. Ni geno dwätö karge dääi.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.