Jøøn 19:31 - Wëël Jwøk

³¹ 'Ba kiper mana tïm cäŋögø na cäŋ jiiŋ røk, jø Juuth Paylat apëënyge nee tiet jøøgø tøyi, nee dëëtge käl wøk, kiper nee ge ba bëëtge bäät jera no odëëdö ki cäŋ jwömö, kiper mana näk cäŋ jwömöce beeye cäŋ mo dwøŋ.

Jøøn 19:31 Iomraidhean Croise

Bwøth Wøk 12:16

Kanyo tïme na dïcäŋ mana dïkwøŋ, u doo jïtö ka acooŋa mo ena kur keere, ni cäŋu jïtö ka acooŋa mør mo ena kur keere ri bïriet nïne; kär dee tïïe mo tïïyu yïth nïne moøgø na ariiø yøø. 'Ba tïïc mano tïïyu keere beeye tïï cam man wø cam ŋati man nø.

Pwöc Leec Wïc 12:10

Dhaanhø mo mare beer, wø cädö kiper bëët lääy mare, 'ba pänh cwïny mar ŋata raac beeye ki man tïïc gïn mo raac dëër lääy.

Mikiya 3:3

ni bëët keda u cama dëët jiya, ni gøøpu dëëtge, ni tøyu cuu moge, ni ŋøru geni kaamar cuu mo kïtha yi dak, kaamar rïŋö mo kïtha yi dhiithi.»

Mathiew 27:62

'Ba kanya tïme na aruunnø, cäŋa en køør cäŋ jiiŋ røk, kwääc laam ki jø Paricith, gena ci baŋ Paylat,

Maak 15:42

'Ba kanya tïm pinynyi na abøøya, kiper mana tïme ni beeye cäŋ jiiŋ røk ni jøw bunna cäŋ jwömö,

Jøøn 19:1

Kanyøgø Paylat Jecu alwøre ni wëëk gø pwöt.

Jøøn 19:14

'Ba dïcäŋögø beeye dïcäŋ jiiŋ røk kiper ajwöm-cam mar cäŋ Cäŋa Pööth Thøøe Yie. 'Ba beeye caae abïciel. Ni kö Paylati jï jø Juuth, ni «Nyenynyu en.»

Jøøn 19:42

'Ba kiper mana tïm cäŋögø na cäŋ jiiŋ røk mar jø Juuth, ni bwöyögøøni kare cään, dëër Jecu akïthge yie.

Jøcua 8:29

Ni ö Jøcua ni 'näk nyeny Gaay ni lïër gø ri jaath këël mana tïm pinynyi na abøøya. 'Ba kanya nø päth cäŋŋi piny, Jøcua acïpö ki dwøl, ni cige ni kälge dëër gø wøk ki ri jaath, ni leeŋge gø dhi kiir mar pääny Gaay, ni putge kïte mo thööth löör bääte, ni kïte moøgø poot nut no olöör piny kanya ciel kaace këël dïcäŋi en.