Jøøn 19:17 - Wëël Jwøk

¹⁷ Ni ö dïkuye ni kälge Jecu, ni cøøe, ni käära jaadhe na no odëëdö, ni cøøa kany mo cwøl ni Kar Cuu Wïc, na cwøl ni Gølgøtha ki dhi Ibaru.

Jøøn 19:17 Iomraidhean Croise

Wïlöölö 22:6

Ni ö Eeberammi ni lwør jenni mo waaŋ olämi ki gø, ni cïp ge göön wääde ma Aydhak, ni lwør maac ki caakïïn ni käär ge ki cere, ni putge aay na aciel karge riedi.

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Ciik Kiper Dïlämme 24:14

ni «Nyena jädö kïth wøk ŋää twïër, ni ö jøøa wïny ajaany mare bëët ni peethge ceŋge wï nyenøgø. Køøre dhaanh Icriel bäre nyenøgø wär këërge ki kïte.

Mathiew 10:38

Ni ŋat wø ba lwør jaadhe na näk odëëdö ni cäädhe køøra, ba rømi ki man tïme na dhaanhnha.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 27:37

'Ba løø kur wï Jecu maal agöönge ki luubö mo ege kïth bääte, mo kwaan, ni «Ŋati en beeye Jecu nyeny jø Juuth.»

Maak 10:21

'Ba jïre aneen Jecu ni mëër ki gø, ni kööe jïgø, ni «Da gïrpiny aciel mo poot kärï tïïö. Ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra, 'ba ïïno jïti ki jap kwär maal.»

Maak 15:26

'Ba luumma kïthge bääte, ogöörö, ni «Nyeny jø Juuth.»

Maak 15:32

Wär eni na Krictø na näk nyeny jø Icriel ö piny ennø ki bäät jaadha no odëëdö, nee neenø ni jïëø.» 'Ba jøøa näk ogurö ki eni, ena buuge thuwø.

Maak 8:34

Ni cwöl lwaak baŋe ki bääge ni kööe jïge, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Luk 14:27

Ni ŋato wäro ba käär jaadhe na näk odëëdö, ni cäädhe køøra, ba maar tïmö na bääŋa.

Luk 23:26

'Ba kanya kïthge Jecu wøk, ŋat mør mo nyeŋŋe Cayman ma nyï Cayriin mo cäädha jöö mo ööi ka dï paac, amakge ki teek, ni kïthge jaadha no odëëdö bääte, nee kääre køør Jecu.

Luk 23:33

'Ba na pïïcge kany mo cwøl ni Kar Cuu Wïc, ena gurge bäät jaadha no odëëdö kaace, ki jøøa näk obääyö, na aciel ena bäät cwïïc, ni maya ena bäät caam.

Luk 23:38

'Ba kaace thuwø da luup mo ogöörö maal wïïe, ni «Ŋati en beeye nyeny jø Juuth.»

Luk 9:23

Ni caan gø jï jiy bëët, ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö cooth, ni caath køøra.

Jøøn 19:13

'Ba Paylat na wïny gïïögøøni, Jecu akäl wøk, ni pï piny bäät køøm løøk bäät thudhi, na cwøl ni Gabatha ki dhi Ibaru.

Jøøn 5:2

Kanyøce yi Jerucalem da aguula mo cwøl ni Bethdhata ki dhi Ibaru, mo bääte da kwör rïc ma abïïc, mo ena buut Dhi Kiir Dïëk.

Moa Tïïc Nyïïatwieli 7:58

Ni peege gø wøk ŋää paac ni këërge gø ki kïte. 'Ba jøøa këër gø, abïïkge awiige buut nyen ma wøp mo nyeŋŋe Cøøl.