Jøøn 19:15 - Wëël Jwøk

¹⁵ 'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Jøøn 19:15 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Mathiew 22:17

Kiper manøgønø, caanï jïwa. ?Agïnaŋø ni caarï? ?Beeye gïn mo beer ki man cïpö ka ajwäk jï Cidhar, wala ba beer?»

Luk 23:18

'Ba gena put rëëdö bëët ki dwøl aciel, ni «Aayï ki nyeni, ni pännï wa Baraba.»

Jøøn 18:31

'Ba Paylat aköö jïge, «Källu ki dëëtu ni ŋølu luumme piny ki køør ciik pou.» 'Ba jø Juuth aköö jïre, ni «Bäŋ teek jïwa ki man 'näkwa dhaanhø.»

Jøøn 19:6

'Ba na neeni ya kwääc laammi ki dïkuye mo Øt Jwøk, gena rëëdö døc, ni köge, ni «Gurï! Gurï bäät jaadha no odëëdö!» 'Ba Paylat aköö jïge, ni «Lwørru ki dëëtu ni guru gøøni bäät jaadha no odëëdö, kiper aani bäŋ gïn mo obøth mo yaa joodø baŋe.»

Moa Tïïc Nyïïatwieli 13:28

Këël na bëëde ni bäŋ gïn mo ege joodø mo eni doo rømø ki thøø, geni Paylat apëënyge nee eni 'näk.

Moa Tïïc Nyïïatwieli 21:36

Kiper lwaak cäädhi ni ge rëëdö køøre, ni «'Nägï! 'Nägï!»

Moa Tïïc Nyïïatwieli 22:22

'Ba kanya poot Pøølli ni luum juurre poot käre caanø, lwaak ïthge ege ciiø jïgø. 'Ba kanyøgø döötge atïŋge maal, ni köge, ni «Aayï ki teeŋ ŋat ma enøgønø nee tïme ni tøør bäät piny! 'Nägï, kiper ba doo beer ki man kwøe!»