Jøøn 19:1 - Wëël Jwøk

¹ Kanyøgø Paylat Jecu alwøre ni wëëk gø pwöt.

Jøøn 19:1 Iomraidhean Croise

Aydheea 50:6

'Ba aani, dïŋääa acïba jï jøøa pwöt aani, ni cïba thäga jï jøøa cööt jïëc tïïa wøk. Aani, täärnyïma kära kanø ka abuua mana buu aani ki gø, ki laaw moa ŋool bääta.

Aydheea 53:5

'Ba eni, dëëre ajïtö ki ŋwiili ki køør japa reyø na tïïø, eni gïï mo leth apïï dëëre kiper raay moø. Gïïa tägö dëëre beeye na jïtø ki bëët-mëër ki køørge; ni bee ŋwiili moa pïï dëëre na jöön dëëtø en.

Mathiew 20:19

ni cïpge gø ceŋ juurre nee buui, ni pwödi, ni nääi bäät jaadha no odëëdö. 'Ba noo tïme na ri dää nïne eno tïŋ maal ki yi thøø.»

Mathiew 23:34

Kiper manøgønø, nyïïkuk Jwøk, ki jøøa wïthge leer, ki dïpööye mo ciik Jwøk jääŋŋa jääŋŋö baŋu. Jø møøk dïge 'nägu nääö, ni guru ge bäät jenni moa no odëëdö, ni pöötu møøk yïth uut acook lam mou, ni riemmu geni wøk paani nø, ki paani nø.

Luk 18:33

ni pwötge gø, ni 'näkge gø. 'Ba noo tïme na ri dää nïne, eno ö maal.»

Luk 23:16

Kiper manøgønø, eni wëëga pwöt ka alaŋŋe, ni päda gø.» [

Luk 23:23

'Ba gena reeth ri gø døc, ni rëëtge døc, ni ge caana gø, ni eni doo gur bäät jaadha no odëëdö. Ni ö döötge ni jïëy.

2 Körin 11:24

Aana pwöt jø Juuthi kwöre abïïc ka alaŋŋe mo doo tïmö na pïëraŋween, 'ba tøørra aciel.

Ibaru 11:36

Ni ö jø møøki ni buui ni pööti, ni ö møøki ni tööc geni ko oguudi ni kïth ge øt twöc.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.