Jøøn 18:33 - Wëël Jwøk

³³ 'Ba Paylat acäŋ døny yi øt bura ni cwøl Jecu ni pëëny gø, ni «?Bee ïïni na nyeny jø Juuth?»

Jøøn 18:33 Iomraidhean Croise

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 27:11

'Ba Jecu akäl nyïm kwäärö ma Paylat. Ni ö kwäärö ni pëëny gø, ni «?Bee ïïni na nyeny jø Juuth?» Ni dwøgi ya Jecu jïgø, na «Acaanï na kare.»

Mathiew 27:27

'Ba kanyøgø jø tøŋ mo kwäärö, Jecu akälge ni kïthge gø kany wø bëët jø tøŋŋi yie, ni cooŋge jø tøŋ bëët nyïme.

Maak 15:2

Kanyøgø ena pëëny Paylati, ni «?Bee ïïni na nyeny jø Juuth?» Ni løk gø jïre, na «Acaanï na kare.»

Luk 23:2

Ni täkge ki man kïthge bääte ki luup, ni köge, ni «Nyeni en ajootwa ni manynya man wëëk powa ageem ka akwöma, ni män wa ki cïp ajwäk jï Cidhar, ni kööe ni eni ki dëëre beeye Krictø, ni ena nyeya.»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 12:13

Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Jøøn 12:15

ni «Kärï lwäyö, Dhayan. Raŋï, nyeya marï ööa baŋï, ni ena bäät nya arëën.»

Jøøn 18:34

Ni løgi ya Jecu, «?Luummögøøni caanï ka wïïï keerï, wala caana jø møøki jïrï?»

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 18:38

'Ba Paylat aköö jïre, na «?Adïëri agïnaŋø?» 'Ba Paylat na nø caan gïïögø, acäŋ døø wøk baŋ jø Juuth ni caan gø jïge, ni kööe, ni «Bäŋ gïn mo obøth mo yaa joodø baŋe.

Jøøn 19:12

'Ba kanyøgø Paylat amäänyö ki jöö man pät Jecu ki gø. 'Ba jø Juuth arëëdö døc, ni köge, ni «Noo pätï ŋatøgøøni, ï paa nyawat Cidharri këët. Kiper jiy bëët mo wø thïïŋ rege na nyeye, ge thïïŋa rege bäät Cidhar.»

Jøøn 19:3

Ni öge baŋe ni köge, ni «Ïïna määth, nyeny jø Juuth.» Ni dhööŋge gø ki ceŋge.

Jøøn 19:4

Kanyøgø Paylat acäŋ ö wøk ni kööe jï jø Juuth, «Neennu, ena käla wøk baŋu en, kiper nee ŋäyu ni bäŋ gïn mo obøth mo yaa joodø baŋe.»

Jøøn 19:9

Ni cäŋ døø øt bura ni kööe jï Jecu, na «?A kaa na kälï yie?» 'Ba Jecu bäŋ gïn mo ee løø.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,