Jøøn 18:20 - Wëël Jwøk

²⁰ Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Jøøn 18:20 Iomraidhean Croise

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Mathiew 24:26

Kiper manøgønø, ni näk ge köö jïïu, ni ‹Neennu, Krictø ena dï paap,› käru nou cøøa wøk. 'Ba ni näk ge köö, ni ‹Neennu, eni ena dï øtø kuya,› käru nou jïëy ki gø.

Mathiew 26:55

'Ba kar kaagø Jecu aköö jï lwaak, na «?Aŋø, u ööa baŋa kaawat man wø ci baŋ kuu, nou käära opëëlle ka athøre kiper naa magu? Aani, a wø bëëdö yi kal mar Øt Jwøk Mana Dwøŋ naa pöö cooth, 'ba a käru maa.

Mathiew 26:65

Kanyøgø Kwääy Lam Mana Dwøŋ abïïe moe ajeeye, ni kööe, ni «Mare beeye ajaany! ?Aŋø ni poot manynyø lïŋŋe møøk këët en? Ajaany mare anø wïnynyu.

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Mathiew 9:35

Ni ö Jecu ni caath dï mïëri bëët, moa døøŋŋø ki moa therø, ni pöö yïth uut acook lam moge, ni køpa luumma nyään na met mar buc Jwøk, ni kunyö ki teeŋ täwe bëët ki teeŋ ŋwiili bëët.

Maak 8:32

Ni gïnögø caane ni wïnyö jaak. 'Ba ena kïth Piterri wøk, ni täge ki man jook gø.

Luk 21:37

'Ba ena tïmö ni pöö yi Øt Jwøk Mana Dwøŋ cooth. 'Ba wø näk wäär, eni aay ni but bäät kïnna cwøl ni Kïn Ølip.

Luk 4:15

Ni pööe yïth uut acook lam moge, ni bëëdö ni eno jiem jiyi bëët.

Jøøn 18:21

?Aŋø ni pëënynyï aani en? Pëëny jøøa wïny mara ki gïïa caana jïge. Gïïa caana jïge ŋäcge.»

Jøøn 6:59

Luummögø beeye mana caane yi øt acooŋ lam kanya pööe yi Kapernaam.

Jøøn 7:14

'Ba kanya poot jiyi ni ge ena kar ajwöma, Jecu aci Øt Jwøk Mana Dwøŋ ni pööe.

Jøøn 7:26

'Ba kawaane eni luubö jaak, ni bäŋ gïn mo caange jïre. ?Aŋø, ŋäc kwääri wän ni ŋatøgøøni beeye Krictø?

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

Jøøn 7:4

Kiper bäŋ dhaanhø mo doo tïïö ni mare ee kanø, ni näk eni manynya man ŋäc mare. Ni näk gïïögø iï tïïö, nyooth riï jï jiy.»

Jøøn 8:2

'Ba na tïme na amöölla cøøn, ena cäŋ duu Øt Jwøk Mana Dwøŋ. Ni ö jiyi bëët baŋe, ni pï piny ni pwöny geni.

Jøøn 8:26

Aani jïra da luup mo thööth mo caana caanø kiperu, ki mo thööth mo ŋøla piny. 'Ba eni na jääŋ aani beeye adïëri, ni luup moa wïnynya baŋe beeye ni wø caana jï jø piny.»

Moa Tïïc Nyïïatwieli 26:26

Kiper nyeya gïïögø ŋääe, ni beeye ni lämma gø døøc en. Kiper ŋääa døøc ni gïïögø bëët bäŋgø mo obøth jïre mo käre kwøŋ wïnynyö, kiper gïnögø kär tïïö gøøt.