Jøøn 18:1 - Wëël Jwøk

¹ 'Ba kanya løny Jecu ki caan luupögøøni ena aay ki bääge, ni ŋøl waŋ Kidaran, ni cige jï løøa näk da pwöth jenni ki bääge.

Jøøn 18:1 Iomraidhean Croise

Wïlöölö 2:15

Ni ö Wuuö Jwøki ni lwør dhaanhø ni kïth gø ya ajïniinna en Ëden kiper nee puure nee gwøe.

Wïlöölö 3:23

Kiper manøgø nø, Wuuö Jwøk dhaanhø ariem wøk ya ajïniinna en Ëden, kiper nee tïme ni puura ŋøøm moa käl yïthge.

2 Camiel 15:23

'Ba kanya ö nyeya na tïïc jiy bëët moa cäädhö ki eni nee pöönhge ki nyïme, jiy bëët moa en yi pääny kaagø ge bëëdö ni ge göö ko oduuru. 'Ba nyeya thuwø aput läp køørge ni ŋølge naam mana cwøl ni Kidaran, ni ö jiyi bëët ni putge aay ni ge cøra jööra näk coonya dï paap.

1 Nyeye 15:13

'Ba eni teek gwac mar waŋi ma Maika akäl wøk cer gø, kiper waŋi atëëŋö ki jaath mo di lamø mo ec raac ki gø, mo ocaa ri jwøa cwøl na Acara; ni ö eni ni käl jaath waŋi manøgø no otieŋø enø wøk, ni waaŋ gø waŋ Naam Kidaran.

1 Nyeye 2:37

'Ba dïcäŋo aayï wøk kany noo ŋølï waŋ Naam Kidaran, wär put ŋäc na adïëri niï puta thøø; ni ö kwör remø marï ni døø wïïï keerï.»

2 Nyeye 23:12

'Ba gïï wø cïp olämme bäätge moa tïïc nyeye mo Juuda wï thääŋ øtø mana geer Eeyethi wï øtø maal, ki moa tïïc Maneeca yïth käälle moa na ariiø mo Øt Wuuö Jwøk, akäl nyeya ma Jöcaya wøk ni tøc ge na thäŋi, ni leeŋ thäŋi moge yi waŋ Naam Kidaran.

2 Nyeye 23:4

Køøre nyeya ma Jöcaya acïpö ki dwøl jï Kilkiya na näk Kwääy Lam Mana Dwøŋ, ki dïlämme mo wø en køøre, ki jø wø koor dhi øt Wuuö Jwøk, nee jammi moa no otïïö jï juuga cøøri na Baal ka Acara, ki moa no otïïö jï jap maal, nee kälge wøk Øt Wuuö Jwøk. Ni kälge ge wøk, ni ö eni ni waaŋ geni töök Jerucalem yi pwöl Kidaran, ni kïth bur marge Bëthël.

2 Nyeye 23:6

Ni ö eni ni käl gïna no otieŋø na no ocaa ri jwøa cwøl na Acara wøk ki Øt Wuuö Jwøk, ni kïth gø wøk töök Jerucalem bäät waŋ Naam Kidaran, ni waaŋ gø kaace, ni guur gø na tør, ni ö tørøgø ni jøør gø bäät bwör.

2 Luup Nyeye 15:16

'Ba nyeya ma Aca teek gwac mar menni ma Maika akäl wøk cer gø, kiper menni atëëŋö ki kït gïn mo määnö mo di lamø mo ocaa ri jwøa cwøl na Acara. 'Ba Aca kït gïna määnö na näk di lamø mar menni akäl wøk, ni kaaŋ gø na thäŋi, ni waaŋ gø waŋ Naam Kidaran.

2 Luup Nyeye 29:16

'Ba dïlämme adøny yi Øt Wuuö Jwøk kuya kuna tïïcge gø ni waany, ni ö japa reyø bëët na jootge yi Øt Wuuö Jwøk ni kälge ge wøk dï kal mar Øt Wuuö Jwøk. Køøre jø tuuŋ Libay japøge akwanyge ni kïthge ge wøk, ni leeŋge ge yi waŋ Naam Kidaran.

2 Luup Nyeye 30:14

Kanyøgø gena ö maal ni daakge gïï wø cïp olämme bäätge mo juuga reyø, ki gïï wø waaŋ gïï wø jïcge ŋwääi ni met bäätge bëët moa en yi Jerucalem, ni putge ge leeŋ yi waŋ Naam Kidaran.

Neemiya 2:15

Kiper manøgø nø, aana aay ki wäär naa cøra waŋ Naam Kidaran naa raŋŋa kiir. Køøre ka aŋuudi raa aløøa ni duua ni cäŋa cur dhi kiir man wø cwøl ni Dhi Kiir Agäm Kïdi.

Jeremaya 31:40

Ni ö ya agäm-kïdi bäre kany wø leeŋ jiy yie moa no othøw, kany wø wet bur yie, ki pwöth bëët moa en deŋ waŋ Naam Kidaran løø paac jï løø kur tuul-cäŋ, këël mano pïïe kanya gun kiirri ki yie buut dhi kiir mana cwøl ni Dhi Kiir Okwëënyi, ni tïmge ni ge ena kur keerge jï Wuuö Jwøk. 'Ba päänyögø obëëdö ni ba daak ni ba nyaa piny këët na bäre bäre.»

Ciik Kiper Dïlämme 2:6

Møgøgø wär pøtï ni thenh thenh ni kønynyï maaw bääte, ni beeye muuy mar møk beel.

Mathiew 26:30

'Ba kanya lønyge ki wär duut Jwøk, gena aa wøk ni cige bäät Kïn Ølip.

Mathiew 26:36

Kanyøgø Jecu ki bääge gena ci kany mo cwøl ni Gecemeni. Ni kööe jï bääge, ni «Pïïu piny kany dïturu, kany pooda naa cøø kuna läma kaace.»

Maak 14:26

'Ba na nø lønyge ki wär duut Jwøk, gena aa wøk ni cige bäät Kïn Ølip.

Maak 14:32

'Ba Jecu ki bääge gena ci kany mo cwøl ni Gecemeni. Ni kööe jï bääge, ni «Pïïu piny kany, kanyo pooda naa lämö.»

Maak 14:42

Ööu maal nøø aa nø. Neennu, ŋato cïp aani ceŋ nyïïmänna aløny ni öö.»

Jøøn 14:31

'Ba a tïïya mana caan Wära jïra, kiper nee ŋäc jø pinynyi naa mëër ki Wuuö. Ööu, cøø aa.»

Jøøn 18:26

'Ba ŋat tïïc aciel mar Kwääy Lam Mana Dwøŋ ma tuuŋ ki ŋata ïthe ceec Piterri, apëëö, na «?Aŋø, ï kära joodø yi pwöth jenni ki eni?»

Moa Tïïc Nyïïatwieli 21:11

'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› »