Jøøn 17:3 - Wëël Jwøk

³ Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:3 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 15:3

Ki yïth nïne moa pöödhö, jø Icriel abëëdö jaak ni ge tøør ri Jwøk mana na adïëri, ni bäŋ dïlämme mo pwöny geni, ni bäŋ ciik mo ŋäcge.

Pwöc Leec Wïc 8:35

Kiper ŋato joot aani, kwøw joode joodø, ni jïte ki met ec baŋ Wuuö Jwøk.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Maak 9:37

ni «Ŋat wäro pänh nyilaal mo caala man ki nyeŋŋa, eni pänhnha aani. Ni ŋat wäro pänh aani, ba pänh aani, 'ba pänhnha eni na jääŋ aani.»

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 11:42

Ni ŋääa ni mara wø wïnynyï wïnynyö cooth. 'Ba man, caana kaper jøøi ni cuŋŋi buuta en, kiper nee jïëcge naa jääŋŋa ïïni.»

Jøøn 14:26

'Ba Dïkunyi na näk Jwïëc Jwøk na en kur keere, ŋato jääŋ Wuue ki nyeŋŋa, uuno pwönynye ki jammi bëët, ni par wïthu ki jammi bëët moa kwøŋa caan jïïu.

Jøøn 17:18

Gena jääŋŋa dï piny kaawat mana jääŋŋï aani dï piny.

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 3:17

Kiper Jwøk Wääde käre jääŋŋö piny nee piny jääle, 'ba beeye kiper nee piny piem ki køøre.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Jøøn 6:57

Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Jøøn 7:29

'Ba aani, eni ŋääa, kiper a käla baŋe, ni beeye eni na jääŋ aani.»

Jøøn 8:19

'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

2 Piter 1:2

Met ec ki bëët-mëër bëëde ni päl bäätu ki man ŋäyu Jwøk døøc, ki Jecu na näk Kwääyø.

2 Piter 1:3

'Ba teege na näk teek Jwøk, jap kwøw bëët ki jap bëët jöör Jwøk awëëk øøni ki køør mana ŋääø eni, ŋata cwøl øøni ya ajieme ki beenynye.

2 Piter 1:8

'Ba ni näk gïïögø mou, ni cwïnynyu päŋ ki ge, ge tïïya uuni nou ba jägö nou patha jiy mo bäŋ gïn mo ege duuö, nou ŋäya Kwääyø ma Jecu Krictø.

1 Jøøn 1:2

'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Jøøn 1:3

'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

1 Jøøn 2:23

Ŋat mo kwier Wäädö tøør ri Wuuö. 'Ba ŋat wø jïëc Wäädö, ena ri Wuuö thuwø.

1 Jøøn 4:6

'Ba øøni, øøna mo Jwøk. Ŋat wø ŋäc Jwøk, marø wø wïnynye wïnynyö. 'Ba ŋat wø näk patha mar Jwøk, marø bäŋ wø wïnynye. Ni beeye gïnögø ni ŋääø jwïëy moa en ra adïëri, ki moa en ri cwøk.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.