Jøøn 17:19 - Wëël Jwøk

¹⁹ Ni raa yaa cïbö kur keera kiperge, nee rege cïpge kur keerge thuwø ni ge ŋäya adïëri.

Jøøn 17:19 Iomraidhean Croise

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Kwään Jiy 7:15

ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 15:13

Bäŋ dhaanhø mo jïre da mëër mo kaala man ö dhaanhe ni cïp jwïëye kiper nyïïawääte.

Jøøn 15:3

Uuna nø tïmö nou waany ki køør luumma caana jïïu.

Jøøn 17:17

Cïp geni kur keerge kiperï ki køør adïëri. 'Ba luummï beeye na adïëri.

Jøøn 17:20

«'Ba a ba kwääö kaper jøøi keerge, 'ba a kwääö thuwø kaper jiy moo jïëy ni ŋääthge aani ki køør luumge,

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

2 Körin 4:15

Ni gïïögø bëët tïïc kaperu, kiper kanyo nyaa met yi Jwøki baŋ jiy, nee dwøk met ec jï Jwøk pälle, ni jït Jwøki ka ajiem.

2 Körin 7:14

'Ba ni näk Tayta yaa cäännö naa töödö kiperu, wïïa kär lääö. 'Ba kaawat mana bëët japa caanwa jïïu bëët na adïëri, atöör marwa nyïm Tayta ajoot na adïëri thuwø.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

1 Thecalönika 4:7

Kiper Jwøk ø käre cwølø nøø tïmø ni ø reyø, 'ba nøø tïmø ni ø ena kur keerø.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 2:11

Kiper eni ni wø tïïc jiy ni ena kur keerge, ki jøøa no otïïö ni ena kur keerge yøø, wääge aciel. Ni beeye tiere ni ba laac wïïe ki man cwøl geni ni nyïïmenni,

Ibaru 9:13

'Ba ni näk mo rem dïëk ki mo rwädhe ki bur mar dhieŋ ma nyakøø mo wø jør dëët jø wø näk ba waany wø døøya geni mo ena kur keerge ni døøc dëëtge mo waany,

Ibaru 9:18

Kaawat manøgønø, këël luumma kwøŋ tuut kär jïëö ni bäŋ remø dëëre.

Ibaru 9:26

Kiper onää enøgønø, gïïa leth dee jøøyø cøøn, ki kanya täk pinynyi. 'Ba atïmö ni eni ööi ka yie aciel keere ya aŋuun piny man en, ni ba nwøe këët, kiper nee raay wëënne ki køør dëëre na cïbe;

1 Jøøn 3:18

U ni therø, kärø mëër ki dhøgø jaak wala cäänö, 'ba mëërø ki ri tïïe ka adïëri.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.