Jøøn 17:15 - Wëël Jwøk

¹⁵ A ba kwääö kaper nee ge käla wøk yi piny, 'ba a kwääö kaper nee ge gwøgï ki ŋata raac.

Jøøn 17:15 Iomraidhean Croise

Wïlöölö 48:16

na näk nyïïatwiella køny aani yïth gïïa reyø bëët, beerra man gwïëth obwöre moi, ni bëët nyeŋŋa ki nyeŋ kwara ma Eeberam ki nyeŋ wära ma Aydhak ni di cwølø ki køørge, ni tïmge ni thööth na lwaak mo päl dï piny bäre.»

1 Luup Nyeye 4:10

'Ba Jabec alämö jï Jwø Icriel, ni kööe, «Gwïëth aani, Wuuö Jwøk, ni mooyï aani ki ŋøøm mo thööth; gwøk aani, ni koorï aani ceŋ gïï mo leth, nee bäŋe gïn mo leth mo pïï dëëra.» Køøre gïïa pëënynye atïïc Jwøki jïre.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Mathiew 5:37

'Ba dwøl man wø caannu wär bëëde kare, nee maru jïëy wala maru kweer. 'Ba ni näk mo kööŋ meedu bääte, maneca käla baŋ ŋata raac.

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Luk 11:4

Ni weyï moa bacwa, kiper waani thuwø, jø wø bääö dëëtwa bëët wø wecwa wiiø. Ni ba bwøthï wa kany mo wa di päänynyö yie.› »

Luk 22:32

'Ba aana lämö kiperï nee ŋäädhe marï ba ränynye. 'Ba kanyo cäŋï riï løgø, nyïïmeru wär wëëk tëënnö.»

Galeecia 1:4

ŋata cïp dëëre kiper raay moø, nee ø pieme yi piny man en ni raac en, kaawat mana many Jwøø na näk Wääø,

2 Thecalönika 3:3

'Ba Wuuö dwøre ba dak, ni uuno wëëk tëënnö ni koor uuni ki ŋata raac.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.