Jøøn 17:11 - Wëël Jwøk

¹¹ 'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:11 Iomraidhean Croise

Pwöc Leec Wïc 18:10

Wuuö Jwøk beeye kiir mo teek, ni ŋata mare beer wø reŋŋa yie ni bëëde no ogwøø.

Aydheea 27:3

Aani, a na Wuuö Jwøk, beeye noo gwøk gø. Aani, a bëëdö naa jøøya gø ki pïï cooth. Aani, a bëëdö naa koora gø ki waŋcäŋ ki wäär, nee bäŋe ŋat mo raanynya gø.

Aydheea 64:2

Kaawat man wø ö maaci wø waaŋ moonni, ni wëëk pïï twaaø, ö piny ki maal ni tïïyï nyeŋŋï nee ŋäc nyïïmänni moï, ni tïïyï wïth juurre nee dëëtge tïmge ni kwanynyi nyïmï!

Jeremaya 14:21

Kär wa jarï, kiper nee nyeŋŋï ba ränynye; kär niï tïïya kar ajiem wälu marï nee jøøŋŋe; 'ba beerra man lääŋŋï luumma tuutï ki waani, ni ba raanynyï gø.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Edhikiel 20:22

'Ba cera ajooa ki man tïïa gïnögø kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:44

Kanyøgønø u na jø Icriel oŋäyu ni bee aani na Wuuö Jwøk, kanyo nyoodha bäth ec mara jïïu kiper nyeŋŋa, këël na bëëdu ni uutjïëthe mou reyø nou temma gïï mo reyø.› Luummögø caana Kwäärö Wuuö Jwøki.»

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Mathiew 5:48

Kiper manøgønø, u doo bëëdö ni bëëtö maru bäre beer, kaawat man bëët Wääu ni en maal ni bëëtö mare bäre beer.

Mathiew 6:9

Kiper manøgønø, wäru wø lämu na ennønø, «ni ‹Wääwa ni en maal, nyeŋŋï wøør,

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 14:20

'Ba dïcäŋöca oŋäyu naa ena ri Wära, ni enu raa, ni ena røgu.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Jøøn 17:6

«Aani nyeŋŋï anyoodha jï jøøa cïpï jïra ri jø piny. Gena moï, ni cïpï ge jïra, ni luummï ege gwøø.

Jøøn 7:33

Kanyøgø Jecu aköö, ni «Aano en buutu ki kany mo thiinh; noo näk køøre, aano døø baŋ Ŋata jääŋ aani.

Moa Tïïc Nyïïatwieli 3:21

ŋato bëëdö maal gøøc mano ö jammi bëët noo døøyi mo nyään keda mana kwøŋi ya Jwøki køp ki dhøk nyïïkuk moe na en kur keerge.

Wëëlö Mana Göör Pøølli Baŋ Jø Röm 12:5

Kaawat manøgønø, këël na thöödhø, øøna dëël aciel ri Krictø, ni ŋati man nø ena thääŋö ri wati maya.

Wëëlö Mana Göör Pøølli Baŋ Jø Röm 9:17

Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»

1 Körin 1:10

Nyïïmera, a kwaya uuni ki nyeŋ Kwääyø ma Jecu Krictø, ni jïëyu ki luumma näk aciel karubëët, ni bäŋe apääk yïthakiyu, ni dwallu cwïnynyu na aciel, ki dwøl aciel.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Epeca 4:4

Kiper beeye dëël aciel ki Jwïëc Jwøk aciel, keda mana cööl u ŋäädhe aciel mano en nyïm na cwøl u kipere,

Pilipay 2:9

Kiper manøgønø, ena thïïŋ Jwøki ni røøny gø, ni mooc gø ki nyeŋ mo dwøŋŋa eni dï nyeŋ bëët moa näk ocaaø.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 5:19

Ŋääø ni øøna mo Jwøk, ni piny bäre ena kur ŋata raac.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 19:12

Ni nyeŋŋe caala maac mo liel, ni wïïe da adude mo thööth. Ni nyeŋŋe na näk ogöörö, bäŋ ŋat mo ŋäc gø, 'ba beeye eni keere.

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»