Jøøn 16:33 - Wëël Jwøk

³³ Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 16:33 Iomraidhean Croise

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Mathiew 9:2

Kanyøgøøni jiy akän baŋe ki ŋat mo obäp, mo opïël bäät pëëm. 'Ba kanya ö Jecu na neen ŋäädhe marge, ena köö jï ŋata näk obäp, ni «Mak cwïnyï, wääda, raay moï awec.»

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Jøøn 12:31

'Ba beeye kar ŋøl luum piny en nø. Ni kawaane beeye kanyo riem kwääy pinyi wøk yie.

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:11

Ni ŋøl luup onyuth geni, kiper kwääy pinyi oŋøl wøk.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 23:11

'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»

Moa Tïïc Nyïïatwieli 27:22

'Ba kawaane a kwaya uuni ki man magu cwïnynyu. Kiper bäŋ ŋat mo thøw dïïu, 'ba beeye dëër jääy keere noo ränynyi.

Moa Tïïc Nyïïatwieli 27:25

Kiper manøgø nø, jaay, magu cwïnynyu. Kiper Jwøk yaa ŋäädhö ni gïnögø thura kare na adïëri, kaawat mana caani jïra.

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

2 Körin 1:3

Pwøc en jï Jwøk na näk Wää Kwääyø ma Jecu Krictø, na näk Uun køny, eni na Jwø wø cøm cwïny jiy bëët,

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

2 Körin 2:14

'Ba pwøc en jï Jwøk, ni wø bwøth waani cooth ni dïïmwa jammi bëët ki nyeŋ Krictø, ni tïïc nyeŋ gø ni ŋäc yi piny bäre ki køørwa, ni caala gïn mo ŋwäänynye met.

2 Körin 4:7

'Ba gïnö ni pere leth ni en jïwa en, okan yïth dääk odhöönh, nee ŋäc ni teegøgø ni dwøŋ enø, wø ena jï Jwøk ni patha marwa.

2 Körin 6:4

'Ba dëëtwa ewa nyoodhø ki yïth jammi bëët ni waana laaŋe mo Jwøk ki køør gïï wø leth døc wø jïënywa, teeŋ ka gïï wø pïï dëëtwa, ki caannø, ki rïm can,

2 Körin 7:4

Aani, cwïnya da ŋäädhe mo päl døc kiperu, naa töödö døc kiperu, ni cwïnya yaa cømø. Këël ni jøøcwa gïï mo leth en, yia poot met døc.

Galeecia 1:4

ŋata cïp dëëre kiper raay moø, nee ø pieme yi piny man en ni raac en, kaawat mana many Jwøø na näk Wääø,

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Pilipay 4:7

'Ba leec cwïny man wø cïp Jwøki, na näk ba løny ki par, cwïnynyu ogwøe ka acaayu ki ri Krictø Jecu.

Köløcia 1:20

Ni duu jammi bëët baŋe ki køøre, moa en maal ki moa en piny, ni dwøga bëët-mëër kare, ki køør remme na cwïër piny bäät jaadha no odëëdö.

1 Thecalönika 3:4

Kiper kanya pootwa dïïu, acaanwa jïïu, ni gïï mo leth jwørø jwørø, kaawat mana nø täge enø, ni ŋäyu gø.

1 Thecalönika 3:7

Kiper manøgønø, nyïïmera, dï gïïögø bëët ni wø jwørwa ki mo wø kïmwa ki ge, cwïnywa apï piny ki bëëtö maru, kiper ŋäädhe maru.

2 Thecalönika 3:16

'Ba kawaane Kwäärö ki dëëre ni wø cïp bëët-mëër, uuno wëëk bëët-mëër cooth ki yïth jammi bëët. 'Ba Kwäärö bëëde ki uuni bëët.

2 Timöthi 3:12

'Ba ka adïëri møn, jiy bëët mo wø many man bëëtge ki bëëtö mar jöör Jwøk ki ri Krictø Jecu, geno caanni.

Ibaru 11:25

Ni tïme ni jiera bëët caarø ki jø Jwøk na aciel, ki mana di yie mïnnö ki jap raay ni wø laar jøølø.

Ibaru 7:2

Ni ö Eeberammi ni cïpe jï gø ki paac wïth jammi ri gïïa kääre bëët. 'Ba eni, tier nyeŋŋe beeye «Nyeny bëënynyö,» ni näk nyeny Calem thuwø, na näk tiere beeye ni «Nyeny bëët-mëër.»

1 Piter 5:9

Cuŋŋu karu ni kwierru eni, ni putu dëëtu mak ri ŋäädhe maru, ni ŋäyu gø ni nyïïmëëgu poot jwøra gïïö ni leth yøøgø yi piny bäre.

1 Jøøn 2:13

Naa göönna baŋu, u na wëëe, kiper na ŋäyu eni na nut cøøn. Naa göönna baŋu, u na wøpe, kiper na böötu ŋata raac. Naa göönna baŋu, u no obwöre, kiper na ŋäyu Wuuö.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

1 Jøøn 5:4

Kiper ŋat wø näk nywøla Jwøki, piny wø bööte böötö. 'Ba gïn wø bööt piny ki gø beeye ŋäädhe marø.

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Pïëmme 3:2

'Ba gïnögø atïïc Wuuö Jwøki kiper nee beenhnhe mo jø Icriel moa näk lenye kucge dïkwøŋ nee kwänyge ki leny.