Jøøn 16:27 - Wëël Jwøk

²⁷ Kiper Wuuö ki dëëre mëër ki uuni, kiper na mëërru ki aani ni jïëyu naa käla baŋ Wuuö.

Jøøn 16:27 Iomraidhean Croise

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Jøøn 14:21

'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 16:30

'Ba kawaane ï ŋäcwa ni jammi bëët ŋäyï, ni doo bäŋ dhaanhø mo pëëny ïïni këët. Ni beeye na jïëcwa niï käla baŋ Jwøk.»

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 3:13

'Ba bäŋ dhaanhø mo oci maal, 'ba beeye eni na öö ki maal, ni beeye Wär Dhaanhø.

Jøøn 7:29

'Ba aani, eni ŋääa, kiper a käla baŋe, ni beeye eni na jääŋ aani.»

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Körin 15:47

Kiper dhaanhø mana dïkwøŋ käla piny, ni beeye dhaanhø mo käla ri ŋøøm. 'Ba ŋata en cään, käla maal.

1 Körin 16:22

'Ba nee da dhaanhø mo ba mëër ki Kwäärö, ŋatøca, acïëni oen bääte. Wui, Kwääcwa, laar öö!

2 Körin 5:14

Kiper mëëc Krictø wa ee maa, kiper ewa jïëö ni da dhaanhø aciel mo othøw kiper jiy bëët. Kiper manøgønø, jiy bëët athøw.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Epeca 6:24

Met ec bëëde bäät jø wø mëër ki Kwääyø ma Jecu Krictø ki mëër mo ba jøøl.

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

Ibaru 12:6

Kiper Wuuö Jwøk wø pwönynya jø wø mëëre ki geni, ni pwöt wääte bëët mo wø jïëe ki ge.»

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Jøøn 4:19

Ø mëër kaper na kwøŋ mëër ki øøni.

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.