Jøøn 16:22 - Wëël Jwøk

²² 'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Jøøn 16:22 Iomraidhean Croise

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Mathiew 28:8

Køøre gena put aay bäät bwörö ni geno lwäyö ni yïthge omïnnö døc. Ni reŋge kuna caange gø jï bääge.

Luk 10:42

'Ba da gïrpiny aciel keere na doo manynyø. 'Ba Meeri mana beer ajiere, mo bäŋ ŋat mo doo käla gø wøk cer gø.»

Luk 16:25

'Ba Eeberam aköö, ni ‹Wääda, caar wïïï ki kanya bëëdï piny niï kwøw. Ïïno jäŋ ki jammi mo beyø. 'Ba Ladhara bëëdö ka bëët can yïth jammi mo reyø. 'Ba kawaane cwïnye ee cïp piny kany, ni ïïni, ï ena yi rääm.

Luk 19:26

«Ni kööe, na ‹A cäänna uuni, ni jiy bëët mo wø jïge dagø, møøk ocäŋ cïpö jïge. 'Ba ŋat wø jïre bäŋgø, këël man wø en jïre di lwørø.

Luk 24:41

Ni mïn yïthge døc, ni yïthge othäŋŋö. 'Ba yïthge poot teek. Kanyøgø ena köö jïge, «?Jïïu da gïn cam?»

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:16

«'Ba ki kany mo thiinh a ba neennu. 'Ba ki kany mo thiinh aano cäŋu neennø.»

Jøøn 16:20

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.

Jøøn 16:6

'Ba kiper mana caana gïï jïïu, beeye ni bëët cwïnynyu ni kïmmö døc en.

Jøøn 21:7

'Ba bääŋ mana mëër Jecu ki gøøni aköö jï Piter, ni «Nyie, manøgø beeye Kwäärö.» 'Ba na wïnynyi ya Cayman Piterri ni beeye Kwäärö, eni abïïge akïth dëëre, kiper na bëëde na abïïge ee käl wøk kiper bïth, ni put päär yi naam.

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Moa Tïïc Nyïïatwieli 13:52

'Ba bääŋi yïthge amïnnö døc ni cwïnyge päŋ ki Jwïëc Jwøk na en kur keere.

Moa Tïïc Nyïïatwieli 16:25

'Ba na tïme na dï wäär, Pøøl ki Cayla gena lämö ni wärge ki dudi jï Jwøk. 'Ba jøøa näk otwöö, ïthge acekge jïge.

Moa Tïïc Nyïïatwieli 2:46

'Ba ki yïth cääŋŋe bëët ge wø cøøa Øt Jwøk Mana Dwøŋ na aciel, ni muunni wø pøtge pøtø uutge, ni ge wø cämö na aciel ni ge ŋeethø ni yïthge met.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Ibaru 10:34

Kiper cwïnynyu apädhö ki gïr jø tööc, ni jïëyu ki man twier jammi mou ni yïthu met, kiper mana ŋäyu gø ni jïïu da gïn mo beerra eni mo puta bëëte.

Ibaru 6:18

Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.