Jøøn 16:2 - Wëël Jwøk

² Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 16:2 Iomraidhean Croise

Aydheea 65:5

ni ge wø köö, ni ‹Bëëdu kur keeru; käru nyänh buutwa, kiper waani, wa waany ni wa ba caal uuni!› Teeŋ jøøgø nø, wëër mara liel dëëtge kaamar maac mo jïye onirwöc ki yïth nïne bëët.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Daniel 11:33

«'Ba dïbwöthe moa wïthge leer, ge cïpö ki pwöc jï jiy mo thööth. 'Ba geni, ge di nääö ri leny, ni waaŋ møøk ki maac, ni mak møøk ki tøŋ, ni twier møøk ki kany mo bäär mëëth.

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Mathiew 24:9

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Jøøn 12:42

'Ba këël dïbwöthe mo thööth ojïëy ki eni ni ŋääthge gøøni, 'ba kiper mana lwäärge ki jø Paricith, marge kärge caanø, kiper nee ge ba riem wøk øt acooŋ lam.

Jøøn 16:25

«Luup moi acaana jïïu ni tietge ba nëëni døøc, 'ba da kany mo öö maa ba cäänö jïïu ki luup mo tietge ba nëëni këët, 'ba mo Wuuö oputa caan jïïu ni wïnyö jaak.

Jøøn 16:32

Da kany mo öö, ni beeye ennø møn, kanyo keethu noo ö ŋati man nø noo aa paare, ni weyu aani keera. 'Ba a ba dööŋ a keera, kiper Wuuö ena buuta.

Jøøn 4:21

Ni kö Jecu jïre, «Nyijøøe, jïëyï ni ŋääthï luubö mara man, da kany mo öö, mo jiy Wuuö ba lamge bäät kïdi man wala yi Jerucalem.

Jøøn 4:23

'Ba kare anø cäännö, ni beeye kawaane en, kanyo ö jø wø lämö na adïëri, noo lamge Wuuö ki cwïnyge na adïëri. Kiper beege teeŋ jøøgø wø many Wuue nee eni lamge.

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

Moa Tïïc Nyïïatwieli 5:33

'Ba kanya wïnyge gïnögø, cwïnyge aränynyö døc, ni tïmge ni ge manynya man 'näkge geni.

Moa Tïïc Nyïïatwieli 7:56

Ni kööe, ni «Neennu, maal ajooda ni ree ee jabø, ni Wär Dhaanhø cuŋŋa bäät cwïï Jwøk»

1 Körin 4:13

Ni kany wø wac nyeŋwa, wa wø dwøga luup mo met. 'Ba waana tïmö kaamar juu mo wø wet jiyi bäät piny, na cït jammi bëët mo wø weti, ni beeye bëëtwa eni ennø.

Pilipay 3:6

Nee kiper tïïc mana tïïa ki cwïnya bäre, aana gëëmö ka acooŋ Jwøk. 'Ba ni näk mo beeye kiper bëënynyö man wø en køør Ciik Jwøk, bäŋ ajäla dëëra.

Mana Nyooth 6:9

'Ba na ö Nyidiel na jap bïï möönne, jwïëc jøøa 'näk kiper luum Jwøk ki luum Jecu na køpge, ajooda tier gïn wø cïp olämme bääte.

Pïëmme 6:30

Køøre jø paanøgø gena ö baŋ Jöac ni köge, ni «Käl wäädï wøk nee thøøe ennø, kiper eni gïn wø cïp olämme bääte mana näk otïïö kiper jwøk, ni beeye Baal, araanynye, ni ö jaadha näk ocaa ri jwøk, ni beeye Acara, na näk ocwöth piny buut gïn wø cïp olämme bääte manøgø ni ŋøt gø piny.»