Jøøn 16:14 - Wëël Jwøk

¹⁴ 'Ba aano jieme, kiper gïno näk mara olwøre ni køp gø jïïu.

Jøøn 16:14 Iomraidhean Croise

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Jøøn 14:21

'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

1 Körin 12:3

Kiper manøgønø, a manynya man ŋäyu gø, ni bäŋ dhaanhø mo cäänö ki ri Jwïëc Jwøk mo köö, ni «Jecu cien.» Ni bäŋ dhaanhø mo maara köö, ni «Jecu beeye Kwäärö,» ni näk ba caan ka ri Jwïëc Jwøk.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

1 Piter 2:7

'Ba ki jïïu, u no ojïëy ni ŋäädhu, pere letha jïïu. 'Ba ki jï jøø ni kär jïëy yøø, «Beeye kïnnögø ki dëëre na kwier dïgëëte, na tïmö ni beeye pïëmi mar gøøt,»

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.