Jøøn 16:13 - Wëël Jwøk

¹³ 'Ba kanyo ö Jwïëc Jwøki ni wø cïp adïëri, moa näk adïëri bëët onyoodhe jïïu. Kiper eni bäŋ gïn mo caane ki wïïe keere, 'ba man wäro wïnynye beeye noo caane. 'Ba japo tägi yi nyïm, ocaane jïïu.

Jøøn 16:13 Iomraidhean Croise

Aydheea 11:2

Ni ö Jwïëc Wuuö Jwøki ni ö bääte, ni bee jwïëyo cïp leec wïc ki ŋäc tiet luup, jwïëyo bwøth dhaanhø ka acaara mo beer ni wø cïpi ki teek, jwïëyo cïp kwänynyö ki lwär ki Wuuö Jwøk.

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Jøøn 12:49

Kiper aani, a ba caan luup mo käla wïïa, a keera. 'Ba Wuuö ki dëëre na jääŋ aani beeye na cïp luubö mano caana ki mano looba.

Jøøn 14:17

na näk beeye Jwïëc Jwøk ni wø nyooth adïëri, na näk jø piny ba doo maara jïëy ki gøøni. Kiper eni ba neen jø pinynyi, ni kucge gøøni. 'Ba uuni, eni ŋäyu kiper eni bëëdö ka uuni, ni eno bëëdö cwïnynyu.

Jøøn 14:26

'Ba Dïkunyi na näk Jwïëc Jwøk na en kur keere, ŋato jääŋ Wuue ki nyeŋŋa, uuno pwönynye ki jammi bëët, ni par wïthu ki jammi bëët moa kwøŋa caan jïïu.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 16:12

«'Ba jïra poot da luup mo thööth mo daa caanø jïïu. 'Ba ba maar lønyø jïïu ki man wïnynyu gø kawaane.

Jøøn 3:32

Ni eni wø køpa gïna neene na wïnynye, 'ba bäŋ ŋat mo ojïëy ki gïn wø købe.

Jøøn 8:38

Aani, a caana moa jooda baŋ Wära, ba uuni, u tïïya moa wïnynyu baŋ wääu.»

Moa Tïïc Nyïïatwieli 11:28

'Ba dhaanhø aciel dïge mo cwøl ni Agaba aö maal ni køp gïna nyooth Jwïëc Jwøki jïre, ni piny bäre jïtö ki meel. 'Ba gïnögø täga ri nïr nyeya ma Kalødia.

Moa Tïïc Nyïïatwieli 20:23

'ba tiirra man wø køp Jwïëc Jwøki na en kur keere jïra yïth mïëri bëët, ni tööc ki jwør gïï mo leth ena nyïma.

Moa Tïïc Nyïïatwieli 27:24

Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.›

2 Thecalönika 2:12

kiper nee jiy bëët moa näk yïthge met ka gïï mo reyø, na näk kär jïëy ki gïna näk adïëri, nee ge jääl.

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

Ibaru 1:1

'Ba yïth nïne mo acääŋŋe cøøn Jwøk acäänö ki kwäyø ki dhøk nyïïkuk Jwøk, ki uutjïëthe mo thööth ma teeŋi.

1 Jøøn 2:20

'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

1 Jøøn 4:6

'Ba øøni, øøna mo Jwøk. Ŋat wø ŋäc Jwøk, marø wø wïnynye wïnynyö. 'Ba ŋat wø näk patha mar Jwøk, marø bäŋ wø wïnynye. Ni beeye gïnögø ni ŋääø jwïëy moa en ra adïëri, ki moa en ri cwøk.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.