Jøøn 15:8 - Wëël Jwøk

⁸ 'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Jøøn 15:8 Iomraidhean Croise

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Agëë 1:8

Ethu maal bäät kïte, ni ŋudu ki jenni ni kälu ge piny, ni geerru øtø mara; køøre nø, yia omïnni ki gø, ni jiem a ki køøre.

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Mathiew 5:44

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Mathiew 9:8

'Ba kanya ö lwaaki na neenge gïnögø, gena lwäyö, ni jiemge Jwøk, na cïp teeŋ teek ma enønø jï jiy.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Jøøn 13:35

Beeye noo ŋäyi ya jø bëëti ni uuna bääga, ni näk mou mëër ki røgu.»

Jøøn 15:5

Beeye aani na jaath, ni uuna bäät jaath. Ŋat wø bëëdö dëëra, ni bëëda ree beeye wø känni ki nyïëdi mo thööth. Kiper bäŋ gïn mo maaru tïïc ni näk maa tøør.

Jøøn 8:31

Kanyøgø nø Jecu aköö jï jø Juuth moa näk ojïëy ki eni ni ŋääthge gø, ni «Ni näk mo pwöc 'moa wø kïthu bäät tïïc cooth, uuna bääga møn.

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Tayta 2:10

ni ba jel ceŋge ki jammi, 'ba ge doo tïmö na jiy mo di ŋäädhö møn, kiper nee pwöc Jwøk na näk Pïëmi marø, nee tïme ni pwøc ka køørge ki yïth jammi bëët.

Tayta 2:5

ni bëëtge ni wïthge leer, ni ge ciil ki raay bëët, ni mïëcge ege jiiŋŋø, ni ge mwöl, ni ge wø leŋa luup cwøwge, kiper nee bäŋe gïn mo jøøŋŋi ri luum Jwøk.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.