Jøøn 15:4 - Wëël Jwøk

⁴ Bëëdu dëëra, 'ba aano bëëdö dëëtu. Kiper ba løny jïïu keeru ki man kännu ki nyïëdi ni näk mou ba bëëdö dëëra, kaa mana ba lønye jï bat jaath ki man ŋweele ki nyïëdi keere, ni näk mo ba bëëdö ri jaath.

Jøøn 15:4 Iomraidhean Croise

Obeec Dudi 8:5

?Aŋø, man aŋa ni ööi ki dïtëën en, ni cäädhi ni ree ee nyaaŋ bäät omëër mare en? Aani, mëër mara anyoodha jïrï tier jaath; ni beeye tier jaadha ö meru ni put cäädhö yie ki mäc lwaar, ni put lwaar ki ïïni.

Odheea 14:8

?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Mathiew 12:33

«Jaath mo beer wø nywøla nyïëdi mo beyø, ni jaath mo raac wø nywøla nyïëdi mo reyø. Kiper jaath wø ŋec ka nyïïe.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 14:20

'Ba dïcäŋöca oŋäyu naa ena ri Wära, ni enu raa, ni ena røgu.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 6:56

'Ba ŋat wø cam dëëra ni maath remma beeye wø bëëdö dëëra, ni bëëda ree.

Jøøn 8:31

Kanyøgø nø Jecu aköö jï jø Juuth moa näk ojïëy ki eni ni ŋääthge gø, ni «Ni näk mo pwöc 'moa wø kïthu bäät tïïc cooth, uuna bääga møn.

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

2 Körin 13:5

Pëënynyu dëëtu, nee jootu ki man näk mou poot bëëdö ri ŋäädhe mana näk adïëri. Päänynyu rou. ?Aŋø, ŋäyu møn ni Jecu Krictø ena cwïnynyu? Wala kanymør uuno nø pädhö ri päänynyö manøgø.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

Epeca 3:17

nee Krictø bëëde cwïnynyu ki køør ŋäädhe, nou cuŋŋu nou teek ri mëër,

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

Köløcia 2:6

Kiper manøgønø, putu bëëtö ree, kaawat mana jïëyu Krictø Jecu na näk Kwäärö.

1 Thecalönika 3:5

Kiper manøgønø, na tïm cwïnya ni ba maara mak këët, aana jääk baŋu, kiper bëët ŋäädhe maru nee wïnynya, kiper na lwäya ni kanymør ŋat wø pääny jiy, u ee päänynyö, ni tïm öölö marwa no oaay jaak.

Ibaru 10:39

'Ba ø ba en dï jø wø kwal dëëtge ni raanynyi, 'ba ø ena dï jø wø jïge da ŋäädhe, ni gwøga jwïëcge.

1 Jøøn 2:6

'Ba ŋat wø köö ni eni bëëdö ree doo cäädhö ki jööra cääth Jecu ki yie.

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.