Jøøn 15:22 - Wëël Jwøk

²² Onää a kär öö ni cääna ki geni, doo bäŋ ajäla bäätge. 'Ba kawaane bäŋ jöö mo bøthge ki gø ka ajäla kiper raacge.

Jøøn 15:22 Iomraidhean Croise

Edhikiel 2:5

'Ba geni, këël mo ge kweer wala ïthge cekge ciiø, kiper mana näk mo gena jø ageem, oŋäcge ki man näk mo nyikuŋ Jwøk nut dïge.

Luk 12:46

kwääy laŋŋøgø oööi ki waŋcäŋ mo käre dïëdö, ki yi caa mo kuue, ni pwöt gø ki pöödö mo teek døc, ni kïth gø røk jøøa ba maar ŋääth.

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Jøøn 15:23

'Ba ŋat wø män ki aani, män ka Wära thuwø.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 16:9

Bääyö mar jø piny onyuth geni, kiper na ba jïëcge ni ŋääthge aani.

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

Jøøn 9:41

Ni kö Jecu jïge, «Onää uuna cööye, doo bäŋ ajäla bäätu, 'ba kawaane kiper mana kööu, ni jïïu da nyeŋ, ajäla maru adööŋ bäätu.»

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Wëëlö Mana Göör Pøølli Baŋ Jø Röm 1:20

Kiper ki kanya cwääc piny këël kawaane, mo Jwøk na näk ba neen dhaanhe ki waŋe anëënö ni beyø ri gïïa näk ee cwääö, ni beeye teek mare na näk ba cuŋ, ki bëëtö mare ni ena Jwøk. Kiper manøgø nø, røkge ba maarge piem.

Wëëlö Mana Göör Pøølli Baŋ Jø Röm 2:1

Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge.

Jeemeth 4:17

'Ba ŋat wø ŋäc gïn mo beer mo dee tïïö, ni ba tïïc gø, atïmö na bääyö jï ŋatøgø.

1 Piter 2:16

Bëëdu ni uuna jiy mo opädö. 'Ba bëëtö maru ni uuno pädö, kär nou døøya gø jöö man tïïu ki raay ki gø. 'Ba bëëdu ni uuna jiy mo tïnynya Jwøk.