Jøøn 15:21 - Wëël Jwøk

²¹ 'Ba moøgø bëët otïïcge dëëtu kiper nyeŋŋa, kiper na kucge Ŋata jääŋ aani.

Jøøn 15:21 Iomraidhean Croise

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Mathiew 10:18

Ni peege uuni nyïm kwääri ki nyeye mo juurre kiper nyeŋŋa, nou køpa gïra nyïmge ki jø poge.

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 10:39

Ŋat wø gwøk jwïëye, onyääe. 'Ba ŋato nyääk jwïëye kiper nyeŋŋa, ojoode.

Mathiew 24:9

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.

Mathiew 5:11

«Gwïëth en bäätu kany wø ö jiyi wø janyge uuni, ni caange uuni, ni kïthge bäätu ki teeŋ luup bëët moa reyø mo patha adïëri kiper nyeŋŋa.

Maak 13:13

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Luk 21:12

'Ba kanyo poot gïïögø bëët, uuno maaŋge, ni caange uuni, ni cïpge uuni ceŋ jø uut acook lam ki uut twöc. 'Ba uuno kïthge nyïm nyeye ki nyïm kwääri kiper nyeŋŋa.

Luk 21:17

Ni ö jiyi bëët ni mänge ki uuni kiper nyeŋŋa.

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 17:25

Awuuö, ï na marï beer, këël na bëëde niï kuc pinynyi, aani ï ŋääa. Ni ŋäyi ya jøøi naa jääŋŋa ïïni.

Jøøn 8:19

'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

Jøøn 8:54

Ni løgi ya Jecu, ni «Ni näk maa pwøya dëëra, pwøc mara ba doo thura kare. 'Ba beeye Wära ni wø pwøc aani, ŋat wø gïre caannu ni beeye Jwøk maru.

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

Moa Tïïc Nyïïatwieli 17:23

Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en.

Moa Tïïc Nyïïatwieli 26:9

«Këël aani ki dëëra acaara ni doo beer jïra ki man tïïa ki gïï mo thööth naa raanynya nyeŋ Jecu nyï Nadhareth.

Moa Tïïc Nyïïatwieli 3:17

«'Ba kawaane, nyïïmera, ŋääa ni gïna tïïyu kar kaaca kuyu, keda mana kuyi ya kwääri mou thuwø.

Moa Tïïc Nyïïatwieli 4:17

'Ba kiper luummögø nee ba nyaae këët dï jiy, beerra man köömmø ge, nee nyeŋŋøgø ba caange jï dhaanhø mør këët.»

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

Moa Tïïc Nyïïatwieli 9:14

Ni eni jïre da teek kany, mo owëëk kwääc laammi eni, man twöc jiy mo wø cøør nyeŋŋï.»

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

1 Körin 2:8

'Ba bäŋ dhaanhø dï jøøa bëënni bäät pinyi en mo ŋäc gïnögø. Onää ŋäcge, kwääy ajiem ba dege nääö bäät jaadha no odëëdö.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

3 Jøøn 1:7

Kiper beeye nyeŋ Krictø na aage wøk kipere, ni bäŋe gïn mo ege lwørø ceŋ jøøa kuc luum Jwøk.

Mana Nyooth 2:3

Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.