Jøøn 15:20 - Wëël Jwøk

²⁰ Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Jøøn 15:20 Iomraidhean Croise

Edhikiel 3:7

'Ba jø Icriel ge poot kweer ki man wïnyge luummï, kiper geno nø kweer ki man wïnyge luumma. Ka adïëri møn, jø Icriel bëët gena jiy mo wïthge teek ni cwïnyge teek.

Mathiew 10:24

«Ŋat mo di pwönynyö ba dwøŋŋa eni ki dïpööy mare, ni ŋat tïïc ba dwøŋŋa eni ki kwääye.

Maak 10:39

Ni köge jïgø, ni «Løny jïwa.» 'Ba Jecu aköö jïge, na «Athöönhnho maadha, omaathu møn, ni lwøk dëël mano lwøk aani ki gø, uuno lwøk ki gø.

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 6:40

Ŋat mo di pwönynyö ba dwøŋŋa eni ki dïpööy mare. 'Ba ŋati man nø, kany wø nø pwönynyi døøc, tïmö ni caala dïpööy mare.

Jøøn 10:31

'Ba jø Juuth gena cäŋ kwänynyö ki kïte nee eni këërge.

Jøøn 11:57

'Ba kwääc laam ki jø Paricith onø cïpö ki dwøl, ni noo dee dhaanhø mo ŋäc kanya en yie, wär caane jïge, kiper nee eni makge.

Jøøn 13:16

Adïëri møn, a caana gø jïïu, ni ŋat tïïc ba dwøŋŋa eni ki kwääye, wala eni na jääŋŋi ba dwøŋŋa eni ki ŋata jääŋ gø.

Jøøn 5:16

Ni beeye gïnögø na ö jø Juuthi na caange Jecu, kiper mana tïïc køny manøgø ki cäŋ jwömö.

Jøøn 7:32

'Ba jø Paricith luum lwaaøgø awïnyge ni ge muuŋö na enøgønø ki nyeŋ Jecu. Ni ö kwääc laammi ki jø Paricith ni jääŋge dïkuye mo Øt Jwøk kuna makge gø.

Jøøn 8:51

Adïëri møn, a caana gø jïïu, noo dee ŋat mo gwøk luumma, eni thøø ba dee belø.»

Jøøn 8:52

'Ba jø Juuth aköö jïre, ni «Kawaane, aŋäcwa møn ni riï da anägö. Eeberam athøw, kaawat mana thøw nyïïkuk Jwøki. ?Ï doo köö, ni ‹Noo dee ŋat mo gwøk luumma, eni thøø ba dee belø›?

Jøøn 8:59

Kanyøgø gena kwänynyö ki kïte nee eni këërge ki ge, 'ba Jecu ree akane ki geni, ni aa wøk ki yi Øt Jwøk Mana Dwøŋ.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

1 Körin 4:12

ni wa tïïö ka tïï öölö ki ceŋwa keerwa. Ni kany wø jany wa, wa dwøga gwïëth. Ni kany wø caan wa, wø jïënywa jïënyö.

2 Körin 4:9

Waana caanni, 'ba wa kär wec Jwøki. Wa wø di pöötö, 'ba wa kär ränynyö.

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

2 Timöthi 3:12

'Ba ka adïëri møn, jiy bëët mo wø many man bëëtge ki bëëtö mar jöör Jwøk ki ri Krictø Jecu, geno caanni.

1 Camiel 8:7

'Ba Wuuö Jwøk aköö jï Camiel, ni «Cek ïthï ki luup bëët moø ni car jiyi jïrï yøø, kiper geni ge ba kwier ïïni, 'ba ge kwiera aani naa ba bëëda ni aana nyeya marge.