Jøøn 15:2 - Wëël Jwøk

² 'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Jøøn 15:2 Iomraidhean Croise

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Milkiya 3:3

'Ba eni, eno bëëdö ni caala ŋato leeny gwel-bïrö ni twøn gø; ni ö eni ni tïïc nyïïkwaac Libay ni waany, keda man wø twøn warkey wala gwel-bïrö, ni twøn ka maac, kiper nee ge cïpge ki muuce jïra, aa na Wuuö Jwøk, ni cwïnyge leer.

Mathiew 13:12

Kiper ŋat wø jïre dagø, møøk ocäŋ cïpö jïre, ni tïm moe ni thööth. 'Ba ŋat wø jïre bäŋgø, këël man wø en jïre di lwørø.

Mathiew 13:33

Ni ö Jecu ni cäŋ ge cäännö ki luubö mør mo keda leer ni kööe, ni «Buya käl maal caala thømmø mo olwør dhaage ni kïth gø yi møø ma yïth rumme adäk këël mana wäny møø manøgø bäre.»

Mathiew 15:13

Ni dwøk gø jïge, ni «Gïïa näk otuy bëët ni ba piitha Wära ni en maalø, geno puth wøk.

Mathiew 21:19

'Ba na neen olaam thääŋ jöö, ena gaa baŋ gø, ni bäŋe nyïëdi mo ee joodø ri gø, 'ba beeye bøøge keerge na joode. Ni kööe jï olaam, ni «Bäŋ nyïëdi mo cäŋ jootø dëërï këët.» Ni ö olaammi ni put bäbö.

Mathiew 25:29

Kiper jiy bëët mo wø jïge dagø, møøk ocäŋ cïpö jïge, ni tïm moge ni thööth. 'Ba ŋat wø jïre bäŋgø, këël man wø en jïre di lwørø.

Mathiew 3:10

'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Mathiew 7:19

'Ba jenni bëët mo wø ba nywøl ki nyïëdi mo beyø, ŋøda piny ni leeŋi maac.

Maak 4:20

'Ba köödhi moa jør yi ŋöömma beer beege jø wø wïny luum Jwøk, ni jïëcge gø, ni känge ki nyeŋ. Ni møøk käla pïëradäk, ni møøk käla pïërabïciel, ni kän møga ki dïpa.»

Luk 8:13

'Ba moa päth kany mo da kïdi, ge caala jø wø laar jïëy ki met ec kany wø wïnyge luum Jwøk; 'ba jïge bäŋ lweedi, ni ge jïëy ka kany mo thiinh keere. 'Ba kany wø dee päänynyö, ge wø laara døø cään.

Jøøn 15:1

'Ba Jecu aköö, ni «Aana jaath mana näk adïëri. Ni Wära beeye ŋat wø tïïc jenni.

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 15:3

Uuna nø tïmö nou waany ki køør luumma caana jïïu.

Jøøn 15:6

Ni näk dhaanhø ba bëëdö dëëra, eni weta wøk keda bat jaath, ni tale. 'Ba teeŋ bäät jenni moøgø ocooŋ kanya ciel ni leeŋi maac ni waaŋ ge.

Jøøn 15:8

'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Jøøn 17:12

Kanya pooda buutge, gena gwøa ki nyeŋŋï na näk iï cïbö jïra. Ni koora geni, ni bäŋe ya aciel dïge mo orwäänyö, 'ba beeye o ränynyö keere na rwäänyö, kiper nee moa en yi wëël Jwøk nee thur karge.

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Wëëlö Mana Göör Pøølli Baŋ Jø Röm 11:22

Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

1 Körin 13:1

'Ba ni näk maa cäänö ka dhøk jiy wala ki mo nyïïatwiet maal, ni jïra bäŋ mëër, a caala gïn mo darri jaak, wala okööt mo di pöötö.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.